| e-texts navigator |
| Wylie |
119a1 དང་།། རང་རང་ཁྲག་ཏུ་སྦྱར་ལ་གཞག། བར་ཁྱམས་བསེ་མོ་བཞི་ལ་ཡང་།། བ་མན་རའམ་དུང་ཕོར་དུ།། མར་ཁུ་སྦྲང་རྩི་འོ་མ་དང་། ཁྲག་སྣ་མང་པོ་སྦྱར་ཏེ་གཞག། དེ་ནི་བསྒྲུབ་པའི
119a2 དམ་རྫས་སོ།། དེ་ནས་དཀྱིལ་འཁོར་བྱང་ཤར་དུ།། སྨན་ཕུད་རཀྟས་སྦྲུས་པ་ལ།། མཆོད་རྟེན་མཐོ་གང་གྲུ་བཞི་པ།། དུར་སོལ་ནག་པོས་བསྐུས་ལ་གཞག། དེ་བཞིན་ལས་ཀུན་ཟིན་པ་དང་།། དུག
119a3 ཁྲག་མིང་རུས་བཅས་པ་རྣམས།། མཆོད་རྟེན་བུམ་པའི་ནང་དུ་སྩལ།། ལྷ་ཕྱག་བྱ་ཞིང་སྔགས་ཀྱང་བཟླས།། མཆོད་རྟེན་མ་མོ་བརྣག་པ་གསུམ།། ཆུ་མིག་ཉ་ལྕིབས་ཅན་དུ་སྦ།། མ་ཉེས་དཔང་གཟུག
119a4 མཁྱེན་པར་གསོལ།། གཏོར་མ་བཏང་བའི་དུས་ཚོད་ནི།། ནང་པརན་ས་སྐྱ་རེངས་ཤར་བ་དང་།། དགོང་གི་དམར་ཐག་ཆད་པ་ལ།། མ་མོའི་གཏོར་མ་རིམ་པར་གཏང་།། དེ་བཞིན་ཉིད་དང
119a5 ཀུན་ཏུ་སྣང་།། སྣང་ལ་རང་བཞིན་མེད་པ་ཡི།། ཆུ་ཟླའི་དཀྱིལ་འཁོར་བཞིན་དུ་བསྒོམ།། དེ་བཞིན་རྒྱུ་ཡི་ཏིང་ངེ་འཛིན།། མཐིང་ནག་ཧཱུཾ་གཅིག་གསལ་བར་བསྒོམ།། སྤྲོ་བསྡུས་བདེ་གཤེགས་ཐུགས
119a6 དམ་བསྐུལ།། འགྲོ་བའི་དོན་བྱས་སླར་འདུས་པས།། གསེར་གྱི་རྡོ་རྗེ་རྩེ་ལྔར་གྱུར།། ཡ་མཱནྟ་ཀ་བཛྲ་མ་ཧཱ་ཀྲོ་དྷ་ཞེས་བརྗོད་པས། གཏུམ་ཆེན་ཡ་མཱནྟ་ཀར་གྱུར།། དབུ་དྲུག་ཕྱག་ཀྱང་བཅུ་གཉིས
iiif viewer powered by OpenSeadragon
