| e-texts navigator |
| Wylie |
117b1 འོང་ངོ་།། སྨན་འབྲི་ཏ་ས་འཛིན་དང་། གྷི་ཝང་ལ་སྔགས་ནས་རྫ་མར་བླུགས་ན་གྲུམ་གྲུམ་བུ་དང་གྲུལ་བུམ་འདྲ་མིན་མང་བུ་དང་སྲིན་བུར་འགྱུར་རོ།། ཕྲུ་བར་གླུ་གསན་ཚོད་མ་བྲ་མར་འགྱུར་རོ།། ཚོན་རྩི་ལྔ་ལ
117b2 སྔགས་ནས་ཁྱིམ་དུ་བཞག་ན་བྱི་བས་ཁྱིམ་དང་ཞིང་ལྡུམ་ར་ལ་ཟ་མི་ནུས་སོ།། མུ་ཏིག་ལ་སྔགས་ནས་མིད་ན་བུད་མེད་ལ་བུ་མང་པོ་འོང་བར་འགྱུར་རོ།། སྨྱུག་ཤད་ལ་སྔགས་ནས་དབང་ཕྱུག་ཆེན་པོ
117b3 ལ་མཆོད་ནས་ཕྱུགས་འགབ་ཉུང་བའི་སྐེར་བཏགས་ན་འགབ་འཕེལ་བར་འགྱུར་རོ།། རྨ་བྱའི་རྒྱལ་མཚན་ལ་སྔགས་ནས་རྟག་ཏུ་ལུས་ལ་བཅངས་ན་མཛེ་འཚོ་བར་འགྱུར་རོ།། དཔལ་ཟླ་གསང་ནག
117b4 པོའི་རྒྱུད་ལས། འཇིག་རྟེན་ཁམས་སུ་ཐོག་དབབ་པ་ལྷའི་ཟླ་གསང་སྐབས་ཏེ་ལེའུ་རེ་གཅིག་པའོ།། །། དེ་ནས་ཡང་བཅོམ་ལྡན་འདས་གཤིན་རྗེ་གཤེད་པོས་འདི་སྐད་ཅེས་གསུངས་སོ།། བསྟན
117b5 པ་གཉེན་པོ་བསྲུང་བ་དང་།། འགལ་བ་ཆམ་ལ་དབབ་པའི་ཕྱིར།། ནད་ངན་བདག་མོ་མ་མོའི་ཟླ་གསང་གསུངས།། དུར་ཁྲོད་ལ་སོགས་དགོན་པའི་གནས་ཉིད་དུ།། ས་བདག་མཉེས་བྱ་མ་ཉེས
117b6 མཁྱེན་པ་གསོལ།། ཕུང་བའི་ཤུལ་ནས་ས་བླངས་དཀྱིལ་འཁོར་བརྩིགས།། མངལ་ཁྲག་རིམས་ཁྲག་ལ་སོགས་ཆག་ཆག་གདབ།། དུག་གིས་དཔལ་བསྐྱེད་སྨན་གྱིས་དྲི་ཡང་དབྱུང་།། དབུས་སུ་གྲུ
iiif viewer powered by OpenSeadragon
