| e-texts navigator |
| Wylie |
116b1 རིལ་རི་ལ་ཁ་ལ་རྦད་པུ་ཛ། མ་ཧཱ་རཱ་ཛ་ཁ་ལ་རཀྐ་ཙིག་ཙིག་ཅིག་ཅིག་ཧྲིལ་ཧྲིལ་པོ་བ་ཡ། དེ་ནི་ཟངས་ཐོད་དབབ་པའོ།། དེ་བཞིན་ཐོད་པ་ཁ་སྦྱར་ཏེ།། དམིགས་པའི་ཡུལ་གྱི་དབུས་སུ་སྦ།། ལྕགས
116b2 ཕུར་མཁར་གྱི་རྨང་དུ་སྦ།། ཟངས་ཕུར་ཡུལ་ལྷའི་རྟེན་སར་སྦ།། དེ་བཞིན་སྦས་ནས་བབ་གྱུར་ན།། སྦས་པའི་རྟེན་སར་དུས་སུ་འབེབས།། དེ་ལ་ཐེ་ཚོམ་བག་མི་བྱ།། དཔལ་ཟླ་གསང་ནག་པོའི་རྒྱུད
116b3 ལས། ཐོག་དབབ་པའི་ལྷའི་ཟླ་གསང་གི་སྐབས་ཏེ་ལེའུ་དྲུག་ཅུ་པའོ།། །། དེ་ནས་བཅོམ་ལྡན་འདས་གཤིན་རྗེ་གཤེད་པོས་བསྟན་པ་གཉེན་པོ་བསྲུང་བའི་ཕྱིར། ཐོག་དབབ་ལྷའི་གསང
116b4 བསྒྲུབ་གསུངས་པ། རྨ་བྱ་དག་གི་རྒྱལ་མཚན་ལ།། དམིགས་པའི་མིང་རུས་འོག་ཏུ་གཞུག། སྨྱུག་རྒོད་རྩང་སོར་བཞི་གཞོག་ལ།། ལིངྒ་དག་གི་ཀེ་རུ་གདགས།། ཕྱིང་དཀར་གཙང་མ་གྲུ་བཞི
116b5 གཅིག། སྟེགས་བུའི་སྟེང་དུ་བཏིང་ནས་ཀྱང་།། ནས་སྔོན་ཕུལ་གང་ཤར་དུ་སྤུང་།། ནུབ་ཏུ་ཏིལ་ནག་ཕུལ་གང་སྤུང་།། དཀྱིལ་དུ་རྒྱལ་མཚན་གཟུག་པར་བྱ།། ཉིན་མོ་སྔགས་བཟླས་ནས་ཀྱིས
116b6 བྲབ།། ནུབ་མོ་སྔགས་བཟླས་ཏིལ་གྱིས་བྲབ།། སྔགས་རྫོགས་རི་གསུམ་རྩེར་སོང་ལ།། ཨེ་བརྐོས་མིང་རུས་ནང་དུ་གཞུག། རྩང་དང་མཉམ་པའི་ཁུང་བརྐོས་ལ།། དགྲ་ལ་རྩེ་བསྟན་རེས
iiif viewer powered by OpenSeadragon
