| e-texts navigator |
| Wylie |
114a1 ཀཱ་ལ་ཧཱུཾ། ཞེས་བརྗོད་དབང་ཕྱུག་ཆེན་པོ་ཡང་།། ནག་པོ་ཆེན་པོ་མཆེ་བ་རབ་ཏུ་གཙིགས།། ཕྱག་མཚན་རྩེ་གསུམ་ཁྱུང་གི་རྒྱལ་མཚན་གཡས།། ཞགས་པས་འདྲེན་ཚུན་བེ་ཅོན་རྡེག་ཚུལ
114a2 གཡོན།། ཆིབས་སུ་འབྲུག་རྟ་སྔོན་པོ་ཆིབས།། གསེར་གྱི་རལ་གྲི་འབར་བ་ཀླད་ལ་བསྐོར།། གནམ་ལྕགས་འབར་བའི་ཤང་ལང་གློ་ལ་བཏགས།། དེ་འདྲ་རབ་ཏུ་གསལ་བསྒོམ་བྱ།། ཤར་ཕྱོགས་ལྷ
114a3 ཡི་ཕྱག་ན་དངུལ་གྱི་གཞུ་བདུངས་ཤིང་།། དངུལ་གྱི་མདའ་ལྟོང་དངུལ་གྱི་འཁོར་ལོ་བསྐོར།། འབྲུག་རྟ་ཞོན་ནས་ཀི་ཀང་འཕྲལ་ལ་འཇུག། དངུལ་གྱི་ཐོག་འབེབས་སེར་བའི་སྦྱིན་འདང་གཏོང་།། ལྷོ
114a4 ནས་གསེར་གྱི་ཐོག་ཆེན་གོང་བཞིན་འབེབས།། ནུབ་ནས་ཟངས་ཐོག་བྱང་ནས་ལྕགས་ཐོག་འབེབས།། དེ་འདྲ་གང་ལ་བསྒོམས་ལ་ཡེངས་པར་མི་བྱའོ།། ཧཱུཾ། རྣམ་སྣང་མཛད་ཉིད་མི་གཡོ་གཙུག་ཏོར
114a5 བརྟན།། བྱང་ཆུབ་ཆེན་པོ་མཆོག་གི་ཕྱག་རྒྱ་ནི།། བདུད་འདུལ་ཆེན་པོའི་སྐུ་རུ་སྤྲུལ་པའི་རྒྱ།། བྱང་ཤར་མཚམས་ནས་ཤིན་ཏུ་སྐུ་བདེ་བསྟན།། མེ་ལྕེ་བར་སྣང་སྤྲིན་གཏིབས་དཀྱིལ་འཁོར་ནས།། སྐུ
114a6 སྟོད་སྔོ་ནག་མི་བཟད་འབར་བའི་འོད་ཕུང་ཅན།། ཤིན་ཏུ་ཁྲོ་བརྗིད་དབང་ཕྱུག་གཏུམ་བག་ཆེ།། ཐུགས་རྗེས་སྤྲིན་ལྟར་གཏིབས་ཤིང་ནམ་མཁའ་གང་བར་ཁྱབ།། གཟིར་གནོན་སྟབས་ཀྱིས་དྲེགས་པ
iiif viewer powered by OpenSeadragon
