| e-texts navigator |
| Wylie |
10b1 རྒྱུད་ལས། གླེང་བསླང་བ་དང་། གསལ་བྱེད་ལྟ་བ་བསྟན་པའི་ལེའུ་སྟེ་གཉིས་པའོ།། །། དེ་ནས་ཡང་འཇིགས་བྱེད་ཀྱི་རྒྱལ་པོ་གཤིན་རྗེའི་གཤེད་ཀྱིས་ཕྲིན་ལས་སྣ་ཚོགས་རོལ་པ་ཞེས་བྱ་བའི་ཏིང་ངེ་འཛིན
10b2 ལ་སྙོམས་པར་ཞུགས་སོ།། དེའི་ཚེ་དེའི་དུས་ན་མཐུ་སྟོབས་ཀྱི་བདག་པོ་ཡ་མ་ལག་ན་རྡོ་རྗེ་ལ་སོགས་ཏེ། གདུག་པ་ཅན་གྱི་འཁོར་ཚོགས་རྣམས་ཀྱིས་མོས་པའི་དབང་གིས་མགྲིན་གཅིག་ཏུ་ཐལ་མོ་སྦྱར་ནས། བཅོམ
10b3 ལྡན་འདས་གཤིན་རྗེའི་གཤེད་ལ་འདི་སྐད་ཅེས་གསོལ་ཏོ།། ཨེ་མའོ་འཇིགས་བྱེད་ཆེན་པོ་ལགས།། བདག་ཅག་འཁོར་ཚོགས་མ་ལུས་ཀུན།། སྣང་སྲིད་འཇིག་རྟེན་ཁམས་འདི་རུ།། སྟོང་གསུམ་མུན་པར་གཏོང་དང
10b4 འཇིག་རྟེན་མེས་བསྲེག་དང་།། འཇིག་རྟེན་ལོ་ཏོག་འཇོམས་པ་དང་།། གནམ་ལྕགས་ལྕེ་ཡང་འབེབས་པར་བྱེད།། སྨྱོ་འབོག་ཡམས་ནད་གཏོང་དང་སྲོག་གཅོད་གང་ཡང་བྱེད།། མཛེ་རིམས་མེ་བཟད་གཏོང་བའི་ནད
10b5 བདག་སྣ་ཚོགས་མང་པོ་དག། དཔའ་བོ་ཆེན་པོའི་འཁོར་དུ་འདུས་པ་ཀུན།། ཡེ་ཤེས་ཆེན་པོ་ཁྱོད་ཀྱིས་བསལ་བར་མཛད།། ཡེ་ཤེས་ཆེན་པོའི་སྒྲོན་མས་གསལ་བར་མཛད་པར་བྱོས།། བདག་ཅག་འཁོར
10b6 ཚོགས་ཐམས་ཅད་ཀྱིས།། བསྟན་པ་རྒྱ་མཚོ་བསྲུང་བར་དམ་བཅས་པས།། བདག་ཅག་འཁོར་ཚོགས་ཐམས་ཅད་ཀྱི།། སྲོག་ཏིག་རྩ་བའི་དམ་པ་འདི།། འཇིགས་བྱེད་ཆེན་པོ་བཞེས་སུ་གསོལ།། དཀྱིལ་འཁོར་ཆེན
iiif viewer powered by OpenSeadragon
