| e-texts navigator |
| Wylie |
10a1 སོར་རྟོག་པའི་ཡེ་ཤེས་སོ།། དེ་ལྟ་བས་ན་གང་ཡང་བླང་དོར་མེད་པའོ།། ཡེངས་པ་མེད་པའི་དོན་དུ་གསལ་བར་བྱའོ།། ངང་གིས་གནས་པར་བྱའོ།། དེ་ལྟ་བུའི་དོན་དེ་ལས་ཐམས་ཅད་འབྱུང་བར་སྨྲ་ཏེ།
10a2 དེ་ནི་ནོར་བུ་རིན་ཆེན་ལྟ་བུའོ།། ས་གཞི་ཆེན་པོ་ལྟ་བུའོ།། གླང་པོ་ཆེ་ལྟ་བུའོ།། འབྱུང་བ་རླུང་ལྟ་བུའོ།། མེ་ལྟ་བུའོ།། མཚོན་ཆེན་འཁོར་ལོ་ལྟ་བུའོ།། རལ་གྲི་ལྟ་བུའོ།། སྨན་སྡོང་དང་། བུམ་པ་ལྟ་བུའོ།། དབང་ཕྱུག
10a3 ཆེན་པོ་ལྟ་བུའོ།། འདི་ནི་འཁོར་བ་དང་། མྱ་ངན་ལས་འདས་པ་ཐམས་ཅད་ཀྱི་བྱེད་པ་པོར་རྒྱལ་བ་ཉིད་ཀྱིས་གསུངས་སོ།། འདི་ནི་མཆོག་ཡིན་ཏེ། བལྟ་བ་འདི་ལ་གང་གནས་པའི་སྐྱེས་བུའམ། རྣལ་འབྱོར་དེ་ནི
10a4 སྐལ་པ་བཟང་བ་ཡིན་ཏོ།། འདི་ནི་ལས་ཀྱི་རིམ་པ་བརྒྱ་ཕྲག་བརྒྱད།། རྩ་བ་གཉིས་སུ་འདུས་པའི་དོན།། སྦྱོར་བ་ཉིས་བརྒྱ་སྟོང་བཅུ་དྲུག། དཀའ་བ་མེད་པར་ལེན་པར་གསུངས།། ཐེ་ཚོམ་མེད་པར་སེམས་ཀྱིས
10a5 སུ།། དེ་བས་འདི་ལ་ནན་ཏན་བྱ།། ཞེས་གསུངས་པས། འཁོར་འདུས་པ་ཐམས་ཅད་ཐེ་ཚོམ་དང་བྲལ་ནས། ཡིད་བློས་ཐག་ཆོད་དེ་ཆོས་ཉིད་བློས་སེམས་སོ།། དེ་ནས་མདངས་ཕྱུང་སྟེ། ཨེ་མའོ།། འཁོར་བ་ཉིད་ན་མྱ
10a6 ངན་འདས།། རྒྱུ་མེད་འབྲས་བུ་དག་པའི་དོན།། སྲིད་པ་མྱ་ངན་གཉིས་འདས་པ།། བདག་ཅག་གྲོལ་བར་དེར་གྱུར་ཏོ།། ཞེས་གསོལ་ནས་དད་པས་འདུན་ཏོ།། རྒྱུད་ཀྱི་རྒྱལ་པོ་དཔལ་ཟླ་གསང་ནག་པོ་མེ་ལྕེ་ཕྲེང་བའི
iiif viewer powered by OpenSeadragon
