| e-texts navigator |
| Wylie |
91a1 བསྒྲུབ།། འདི་ལས་རྒྱས་འབྲིང་ཅི་བདེ་བར།། ཡོངས་སུ་རྫོགས་དང་བྱེ་བྲག་ལ།། གསང་སྔགས་གང་བསྒྲུབ་འདི་སྐབས་སྦྱར།། རླུང་སྩོགས་འབྱུང་བཞིའི་ལས་བཅོལ་འགྲུབ།། དཔེར་ན་ནོར་བུ་རིན
91a2 ཆེན་འདྲ།། འདི་ནི་གསང་བའི་འཁྲུལ་འཁོར་ཡིན།། ཞེས་བཀའ་སྩལ་ཏོ།། དཔལ་གསང་བ་འདུས་པ་རྒྱུད་ཀྱི་རྒྱལ་པོ་ལས།། བསད་མནན་རླུང་འཁོར་ཡོངས་རྫོགས་ཀྱི་ལེའུ་སྟེ་སོ་བརྒྱད་པའོ།། །། དེ་ནས
91a3 ཡང་འདུས་པའི་འཁོར་རྣམས་ཀྱིས་མགྲིན་གཅིག་ཏུ་སྟོན་པ་ཀུན་ཏུ་བཟང་པོ་དཔལ་ཆེ་མཆོག་ཧེ་རུ་ཀ་ལ་གསོལ་པ། ཀྱེ་ཀྱེ་ཀྱེ། ཐམས་ཅད་སྟོན་པ་ཀུན་ཏུ་བཟང་།། ཐུགས་རྗེ་ཆེ་མཆོག་ཧེ་རུ་ཀ། འཇིག་རྟེན་ཡེ་ཤེས
91a4 གང་བསྒྲུབས་ཀྱང་།། སྲོག་གཟེར་ཁ་བསྒྱུར་རིམ་པ་གང་།། དེ་སྐད་ཅེས་གསོལ་བཀའ་སྩལ་པ།། ཡེ་ཤེས་འཇིག་རྟེན་གང་བསྒྲུབས་ཀྱང་།། སྲོག་སྡོམ་གཟེར་བཞིས་མ་ཐེབས་ན།། ནམ་ཡང་དོན་མེད་ཡུག་པས
91a5 ཀྱང་།། དྲང་དོན་རྫུན་གྱི་འཁྲུལ་འཁོར་ཡིན།། ཡོངས་རྫོགས་དཔལ་གྱི་སྲོག་འཕྲོག་ཐབས།། གཅིག་ཤེས་པས་ནི་ཀུན་སྲོག་ཐོབ།། དཔེར་ན་སྒྲ་གཅན་འཛིན་གྱིས་ཁས།། ནམ་མཁའི་ཉི་མ་གཅིག་ཟིན་པས།། ཆུ་བྲན
91a6 སྟོང་གི་ཉི་མ་ཀུན།། མ་བཟུང་བར་ཡང་སྟོང་སྲོག་ཐོབ།། དེ་ཕྱིར་སྲོག་གི་གཟེར་བཞི་གཅེས།། དབེན་པའི་གནས་སུ་མཎྜལ་བཤམ།། དབུས་སུ་མཚན་ལྡན་ཀ་པཱ་ལར།། དཔལ་ཆེན་སྐུ་གཅིག་གསལ་བར
iiif viewer powered by OpenSeadragon
