| e-texts navigator |
| Wylie |
89b1 སོང་དོང་སྤུག་འགྱུར།། དེ་ནས་ཚ་ཚྭ་གང་ཡིན་པར།། རབ་གནས་དམ་ཚིག་མཆོད་བསྟོད་ལ།། ཡེ་ཤེས་སྤྱན་དྲང་མཆོད་རྟེན་བསྟིམ།། རྟེན་འབྲེལ་སྙིང་པོ་བརྒྱ་རྩ་བརྒྱད།། ནས་ལ་སྔགས་ཏེ་རབ་ཏུ་བསྟིམ། ཕྱག
89b2 འཚལ་ཕྱི་ནང་མཆོད་པ་འབུལ།། ཡུན་གྱི་རྟེན་དུ་གསོལ་བ་གདབ།། བཀྲ་ཤིས་བསྔོ་བ་སྨོན་ལམ་བྱ།། དོན་ལྡན་རྟེན་མཆོག་འདི་ལ་འབད།། བྱང་ཆུབ་མཆོག་གི་འབྲས་བུ་ཐོབ། ཅེས་བཀའ་སྩལ་ཏོ།། དཔལ་གསང
89b3 བ་འདུས་པ་རྒྱུད་ཀྱི་རྒྱལ་པོ་ལས། ཚ་ཚྭ་རྟེན་གསུམ་ཡོངས་རྫོགས་ཀྱི་ལེའུ་སྟེ་སོ་བདུན་པའོ།། །། དེ་ནས་ཡང་འདུས་པའི་འཁོར་རྣམས་ཀྱིས་མགྲིན་གཅིག་ཏུ་སྟོན་པ་ཀུན་ཏུ་བཟང་པོ་དཔལ་ཆེ་མཆོག་ཧེ་རུ
89b4 ཀ་ལ་གསོལ་པ། ཀྱེ་ཀྱེ་ཀྱེ། ཐམས་ཅད་སྟོན་པ་ཀུན་ཏུ་བཟང་།། ཐུགས་རྗེ་ཆེ་མཆོག་ཧེ་རུ་ཀ། དམ་ཉམས་ལོག་ལྷ་ཚར་གཅད་ཕྱིར།། བསད་མནན་རླུང་འཁོར་རྣམ་གསུམ་གང་།། དེ་སྐད་ཅེས་གསོལ་བཀའ་སྩལ
89b5 པ།། ལྔ་བརྒྱ་དུས་ཀྱི་ཐ་མ་ལ།། སངས་རྒྱས་བསྟན་ལ་སྐུ་དགྲ་དར།། དེ་ཚེ་ལོག་ལྟ་ཚར་གཅོད་པའི།། བསད་པ་སྲོག་གི་ལས་སྦྱོར་ནི།། དཀྱིལ་འཁོར་མདའ་གང་གྲུབ་བཞིའི་དབུས།། ཁྲུ་གང་གྲུ་གསུམ་འབྲུབ་ཁུང
89b6 ནང་།། དགྲ་བོ་དུ་ཡོད་ལིངྒ་ནི།། ནལ་བུ་རྐྱལ་བའི་ནང་དུ་བྲུབ།། ལྟེ་བར་འབྲི་རུ་གཡས་པ་གཟུག། ལྕགས་ཕུར་བརྒྱད་ཀྱིས་ཐ་མ་བསྐོར།། སྐྱེ་ཚེ་ཤང་ཚེ་ཐུན་གྱི་རྫས།། འབྲི་རུ་ནང་བླུགས་སྔགས་ཀྱིས་བྲབ།། ནལ
iiif viewer powered by OpenSeadragon
