| e-texts navigator |
| Wylie |
87b1 བཅས་པ་དང་།། ལྷ་བཤོས་གཏོར་མ་དྲུག་དྲུག་བཤམ།། རྟེན་ནམ་མཚན་བྱང་དྲི་རྟེན་དགོད།། བསྐྱེད་རྫོགས་གཞུང་བསྲང་འཛབ་རྫོགས་ནས།། ཚེ་འདས་དགུག་ཅིང་གཤེད་དང་དཔྲལ།། རིགས་དྲུག་ལས་བྱང
87b2 གནས་ནས་དྲང་།། ཁྲུས་བྱ་ལན་ཆགས་གཏོར་མ་གཏང་།། མི་རྟག་ཆོས་བཤད་དབང་བསྐུར་བྱ།། འཁོར་བའི་འབྲེལ་བཅད་ལམ་ཡང་བསྟན།། རྒྱས་གདབ་དགེ་བའི་རྩ་བ་བསྔོ།། མཚན་བྱང་བསྲེགས་ལ་ཚ་ཚྭ།
87b3 གདབ།། དཀྱིལ་འཁོར་བསྡུས་ལ་རྫོགས་རིམ་བསྒོམ།། ཞེས་བཀའ་སྩལ་ཏོ།། དཔལ་གསང་བ་འདུས་པ་རྒྱུད་ཀྱི་རྒྱལ་པོ་ལས། ཡང་བདུན་ཚིགས་འདྲེན་ཐབས་ཡོངས་རྫོགས་ཀྱི་ལེའུ་སྟེ་སོ་ལྔ་པའོ།། །། དེ
87b4 ནས་འདུས་པའི་འཁོར་རྣམས་ཀྱིས་མགྲིན་གཅིག་ཏུ་སྟོན་པ་ཀུན་ཏུ་བཟང་པོ་དཔལ་ཆེ་མཆོག་ཧེ་རུ་ཀ་ལ་གསོལ་པ།། ཀྱེ་ཀྱེ་ཀྱེ། ཐམས་ཅད་སྟོན་པ་ཀུན་ཏུ་བཟང་།། ཐུགས་རྗེ་ཆེ་མཆོག་ཧེ་རུ་ཀ། དཔྱང་ཆད་འབྱུང
87b5 འདུས་ཞིག་པའི་རོ།། བག་ཆགས་སྦྱང་ཕྱིར་བསྲེག་ཐབས་གང་།། དེ་སྐད་ཅེས་གསོལ་བཀའ་སྩལ་པ།། རོ་བསྲེག་སྦྱོང་གི་རིམ་པ་ནི།། ས་བདག་ཀླུ་གཉེན་མེད་པའི་ཕྱོགས།། མཎྜལ་མདའ་གང་འདོམ་གང
87b6 བཤམ།། འདོམ་གང་ནང་དུ་དཀྱིལ་འཁོར་བཞེང་།། ཕྱི་ཟུར་གྲ་བཞིར་ཀ་བས་བཏེག། ཐོག་ཕུབ་སྟེང་དུ་བསྲེག་ཁང་ནི།། མདའ་གང་གྲུ་བཞི་གསེར་དུ་བྱ།། དེ་ནས་ཕྲིན་ལས་རྣམ་བཞི་ཡི།། ཐབ་ཁུང་སྟེང་ནང་གྲུ
iiif viewer powered by OpenSeadragon
