| e-texts navigator |
| Wylie |
7a1 ཡན་ཐུབ་སྤྱོད་པའི་མཆོག། ཚོགས་དྲུག་ཡུལ་ཞེན་རྩད་ཆོད་ནས།། འཁོར་བ་རྒྱས་ཐེབས་སྤྱོད་པའི་མཆོག། ཉམས་ལེན་གོམས་པས་རྣམ་རྟོགས་ཡལ།། དུས་བཞི་མཉམ་སྦྱོར་སྤྱོད་པའི་མཆོག། མཉམ
7a2 རྗེས་རྟོག་ལངས་དུས་གསུམ་དུ།། ཆོས་སྐུར་གྲོལ་བ་སྤྱོད་པའི་མཆོག། འཁོར་འདས་སྤང་བླང་རང་གྲོལ་ནས།། དུས་གསུམ་བདེ་གཤེགས་སྤྱོད་པའི་མཆོག། སྣང་གྲག་དྲན་རྟོག་ཐམས་ཅད་ཀུན།། དཔལ་ཆེན་སྐུ
7a3 གསུང་ཐུགས་སྤྱོད་པ།། རྒྱལ་བ་ཡོངས་རྫོགས་སྤྱོད་པ་ཡིན།། ཞེས་བཀའ་སྩལ་ཏོ།། དཔལ་གསང་བ་འདུས་པ་རྒྱུད་ཀྱི་རྒྱལ་པོ་ལས། སྤྱོད་པ་བསྟན་པའི་ལེའུ་སྟེ་དྲུག་པའོ།། །། དེ་ནས་འདུས་པའི་འཁོར
7a4 རྣམས་ཀྱིས།། དཔལ་ཀུན་ཏུ་བཟང་པོ་ཆེ་མཆོག་ཧེ་རུ་ཀ་ལ་གསོལ་པ།། ཀྱེ་ཀྱེ་ཀྱེ། སྐུ་གསུམ་ཡོངས་རྫོགས་ཀུན་ཏུ་བཟང་།། བདག་ཉིད་ཆེ་མཆོག་ཧེ་རུ་ཀ། རྒྱུད་དོན་འབྲས་བུའི་རྒྱལ་པོ་དེ།། བདག་ཅག་རྣམས་ལ
7a5 བཀའ་སྩལ་ཞུ།། དེ་སྐད་གསོལ་པ་ཐུགས་དགོངས་ཏེ།། སྟོན་པ་ཆེན་པོས་བཀའ་སྩལ་པ།། འདུས་པའི་འཁོར་རྣམས་རྩེ་གཅིག་ཉོན།། རྒྱུད་དོན་འབྲས་བུའི་རྒྱལ་པོ་ནི།། ལྟ་བ་མངོན་གྱུར་སྒྲིབ་གཡོགས་བྲལ།། ཀུན
7a6 བཟང་རྒྱལ་པོའི་འབྲས་བུ་ཡིན།། སྨིན་གྲོལ་མཐར་ཕྱིར་མི་བཟློག། དུས་གསུམ་བདེ་གཤེགས་འབྲས་བུ་ཡིན།། སངས་རྒྱས་བདེ་ཆེན་ཀུན་འདུས་པ།། ལྟ་བ་ཡོངས་རྫོགས་འབྲས་བུ་ཡིན།། ཡོངས་སུ་རྫོགས་དོན་དེ
iiif viewer powered by OpenSeadragon
