| e-texts navigator |
| Wylie |
78b1 མེད་པར་བརྟན་པར་བྱ།། བྲོ་འདི་འབར་བའི་ཕྱག་རྒྱ་སྟེ།། རྒྱལ་བ་སྟོང་དང་མཉམ་པར་སྦྱོར།། གླུ་ནི་ཚངས་པའི་དབྱངས་ཀྱིས་འདྲེན།། མ་དང་མཁའ་འགྲོའི་ཐུགས་དམ་བསྐུལ།། ཚིག་ནི་དོན་དམ་རྟོགས་པའི
78b2 ཚིག། ཆོས་སེམས་གཉིས་སུ་མེད་པར་རྟོགས།། འདི་ནི་གླུ་བྲོ་གར་གྱི་བརྡའ།། གར་ནི་ཁྱབ་གདལ་ཆེན་པོའི་གར།། ཕྱོགས་བཅུའི་ཞིང་ཁམས་ཁྱབ་པར་བྱེད།། ཕྱག་རྒྱ་བསྣོལ་བ་ལུ་གུ་རྒྱུད།། དུས་གསུམ་རྒྱལ་བ་ཞི
78b3 ཁྲོ་བསྐུལ།། ཁྲག་འཐུང་རོལ་པའི་དཀྱིལ་འཁོར་ནས།། ཆེ་མཆོག་ཡབ་ཡུམ་སྲས་དང་བཅས།། མཁའ་འགྲོ་འཁོར་བཅས་མ་ལུས་ཀུན།། སྔོན་གྱི་ཐུགས་དམ་ཇི་བཞིན་དུ།། གླུ་བྲོ་གར་ལ་གཤེགས་སུ་གསོལ།། ཧཱུཾ་ཧཱུཾ
78b4 ཧཱུཾ་བཛྲ་མ་ཧཱ་ཀྲོ་དྷ་སརྦ་ཨཱ་བེ་ཤ་ཡ་པྲ་བེ་ཤ་ཡ་ཛཿཧཱུཾ་བཾ་ཧོཿ།། དེ་ནས་བྲོ་བསྐོར་གཟིར་ཅིང་བརྡུང་།། ཧཱུཾ་ཞི་ཁྲོ་ཡོངས་རྫོགས་དཀྱིལ་འཁོར་འདིར།། ཁྲག་འཐུང་རོལ་པའི་བྲོ་གཅིག་བརྡུང་།། ཕྱོགས་བཅུ་ནམ་མཁའི
78b5 ཁམས་ཀུན་ནས།། ཁྲོ་བོ་ཁྲོ་མོའི་བྲོ་བརྡུངས་པས།། ལ་ལ་ཐབས་དང་ཤེས་རབ་བྲོ།། ལ་ལ་རྡོ་རྗེ་པདྨའི་བྲོ།། ལ་ལ་དབང་པོ་ཡུལ་གྱི་བྲོ།། ལ་ལ་འཇིག་རྟེན་དབང་སྡུད་བྲོ།། ལ་ལ་འདུལ་སྦྱོང་རྟགས་ཀྱི་བྲོ།། ལ་ལ
78b6 དྲེགས་པ་འདུལ་སྦྱོང་བྲོ།། ལ་ལ་མོས་པ་རྒྱན་གྱི་བྲོ།། ལ་ལ་ལོངས་སྤྱོད་དཔལ་གྱི་བྲོ།། ལ་ལ་སྤོར་བྱེད་གནས་ཀྱི་བྲོ།། ལ་ལ་སྡུད་བྱེད་ཐབས་ཀྱི་བྲོ།། བྲོ་ལ་རྣམ་གྲངས་བསམ་མི་ཁྱབ།། གླུ་ལ་ཡོན་ཏན་བརྗོད་མི
iiif viewer powered by OpenSeadragon
