| e-texts navigator |
| Wylie |
78a1 བ་རླུང་ཆུ་མནན་པ་སོགས།། སོ་སོའི་ལས་ཀྱི་དམིགས་དང་བཅས།། མེ་ཡིས་ལས་ཀུན་མྱུར་དུ་འགྲུབ།། ཅེས་བཀའ་སྩལ་ཏོ།། དཔལ་གསང་བ་འདུས་པ་རྒྱུད་ཀྱི་རྒྱལ་པོ་ལས། ལས་བཞི་སྦྱིན་བསྲེག
78a2 ཡོངས་སུ་བསྟན་པའི་ལེའུ་སྟེ་ཉེར་དགུ་པའོ།། །། དེ་ནས་ཡང་འདུས་པའི་འཁོར་རྣམས་ཀྱིས་མགྲིན་གཅིག་ཏུ་སྟོན་པ་ཀུན་ཏུ་བཟང་པོ་དཔལ་ཆེ་མཆོག་ཧེ་རུ་ཀ་ལ་གསོལ་པ།། ཀྱེ་ཀྱེ་ཀྱེ། ཐམས་ཅད་སྟོན་པ
78a3 ཀུན་ཏུ་བཟང་།། ཐུགས་རྗེ་ཆེ་མཆོག་ཧེ་རུ་ཀ། ལས་རྣམས་རྗེས་བསྟན་དགྲ་བགེགས་གཟིར།། དཔལ་ཆེན་རོལ་པའི་བྲོ་རྣམས་གང་།། དེ་སྐད་གསོལ་པས་བཀའ་སྩལ་པ།། གཟིར་མནན་བྲོ་ཡི་ལས་སྦྱོར་ནི།། དགྲ
78a4 བགེགས་དམ་སྲི་གནན་གཟིར་ཏེ།། རྣལ་འབྱོར་དབང་ཕྱུག་འཁོར་དང་བཅས།། དཔལ་གྱི་ཆས་ཀྱིས་རབ་ཏུ་བརྒྱན།། ཡོངས་རྫོགས་ལྷ་ཡི་ང་རྒྱལ་བསྐྱེད།། ལག་པ་ལུ་གུ་རྒྱུད་དུ་སྦྲེལ།། རྐང་སྟབས་རྡོ་རྗེའི་འགྲོས་སུ
78a5 བྱ།། དཔའ་བརྗིད་རྔམ་པའི་ཧཱུཾ་སྒྲ་སྒྲོག། གླུ་ཡིས་སྤྱན་དྲང་བྲོས་གཟིར་གནན།། ཕྲིན་ལས་རྣམ་བཞི་དམིགས་བསལ་བསྒྲུབ།། དང་པོ་གླུ་ཡིས་སྤྱན་དྲང་ཏེ།། ཧཱུཾ་ཞི་ཁྲོ་ཡོངས་རྫོགས་དཀྱིལ་འཁོར་དུ།། དཔལ་ཆེན་ཆེ
78a6 མཆོག་སྐུ་སྤྲུལ་ནས།། མཁའ་འགྲོའི་ཚོགས་དང་རོལ་པ་ནི།། ཐབས་ཤེས་གཉིས་སུ་མེད་པར་སྦྱོར།། བྱང་ཆུབ་སེམས་ཀྱི་འཕྲོ་འདུ་ལས།། ཁྲོ་བོ་ཁྲོ་མོའི་སྤྲིན་འཕྲོས་ནས།། གླུ་བྲོ་གར་གྱི་ཐུགས་དམ་སྟེ།། རྒྱུན་ཆད
iiif viewer powered by OpenSeadragon
