| e-texts navigator |
| Wylie |
77b1 ཏུ་སྟོན་པ་ཀུན་ཏུ་བཟང་པོ་དཔལ་ཆེ་མཆོག་ཧེ་རུ་ཀ་ལ་གསོལ་པ། ཀྱེ་ཀྱེ་ཀྱེ། ཐམས་ཅད་སྟོན་པ་ཀུན་ཏུ་བཟང་།། ཐུགས་རྗེ་ཆེ་མཆོག་ཧེ་རུ་ཀ། སྒྲུབ་ཆེན་ལས་བཞིའི་དོན་མྱུར་བྱེད།། སྦྱིན་བསྲེག་ལས་ཀྱི་རིམ་པ
77b2 གང་།། དེ་སྐད་གསོལ་པ་གསན་ནས་ཀྱང་།། སྟོན་པ་ཉིད་ཀྱིས་བཀའ་སྩལ་པ།། ལས་རྣམས་ཀུན་གྱི་རྗེས་སྒྲུབ་མྱུར།། རྣམ་བཞི་སྦྱིན་བསྲེག་འདི་ལྟར་བྱ།། དཀྱིལ་འཁོར་ཆེན་པོའི་ཕྱོགས་བཞི་རུ།། ཞི་རྒྱས་དབང
77b3 དང་དྲག་པོའི་ཐབ།། ཟླུམ་པོ་གྲུ་བཞི་ཟླ་ཁམ་དང་།། གྲུ་གསུམ་ལ་སོགས་གང་མོས་བྱ།། དཀར་སེར་དམར་ལྗང་ཁ་དོག་བསྒྱུར།། བྱང་ཆུབ་སྐྱེར་ལྡེང་དུག་ཤིང་སོགས།། ལས་མཐུན་ཤིང་བརྩིག་བསྲེག་པའི
77b4 རྫས།། ཕྲིན་ལས་གང་བསྒྲུབ་དང་སྦྱར་ཏེ།། ཞི་ལ་དཀར་གསུམ་རྒྱས་འབྲུའི་ཚོགས།། དབང་ལ་ཤ་ཆང་དུག་ཁྲག་དྲག། ཕྲིན་ལས་གཞུང་བསྲང་ཚོགས་མཆོད་བྱ།། མེ་ཡི་ལྷ་བསྐྱེད་མཆོད་བསྟོད་བྱ།། ཕྲིན་ལས་གང
77b5 བསྒྲུབ་དང་སྦྱར་ཏེ།། ལྟོ་བར་ཡོངས་རྫོགས་ལྷ་བསྐྱེད་དེ།། ཡེ་ཤེས་བཀུག་བསྟིམ་རྟེན་མཆོད་རྗེས།། བཀྲ་ཤིས་བུ་ཚས་མེ་སྦར་ཏེ།། སྦྱིན་བསྲེག་རྫོགས་བྱས་ལས་སྔགས་ནི།། རྩ་སྔགས་དག་ལ་འདི་སྦྱར
77b6 བསྐུལ།། ཤིནྟཾ། པུཥྚི། པ་ཤཾ་མཱ་ར་ཡ། ལས་བཞིའི་འདོད་གསོལ་དང་བཅས་བསྲེག། ཞི་རྒྱས་དབང་དྲག་གང་བསམ་འགྲུབ།། ཡེ་ཤེས་སེམས་གཤེགས་དམ་ཚིག་བསྡུ།། རྗེས་སུ་ལས་བཞིའི་བྲོ་བཞི་བརྡུང་།། ཐལ
iiif viewer powered by OpenSeadragon
