| e-texts navigator |
| Wylie |
77a1 དང་།། ཨ་མྲྀ་ཏ་དང་ཆང་སྦྱར་བྱུག། གཏོར་ཚོགས་གཞུང་བཞིན་བཤམས་ནས་ཀྱང་།། ལས་རིམ་གཞུང་བསྲང་ལྷ་རྣམས་བསྟིམ།། དབང་བསྐུར་རབ་ཏུ་གནས་པ་བྱ།། དར་སྣ་ལྔས་དྲིལ་ཚོན་ལྔས
77a2 བཅིངས།། དུས་ཚེས་བཟང་ལ་མགུལ་དུ་གདགས།། བཀྲ་ཤིས་མངའ་གསོལ་བརྗོད་པར་བྱ།། ཏིང་འཛིན་རང་ཉིད་ཧེ་རུ་ཀ། ཡོངས་སུ་རྫོགས་པའི་ང་རྒྱལ་བསྒོམ།། འདི་ལས་ཁྱད་འཕགས་སྲུང
77a3 བའི་ཐབས།། འཇིག་རྟེན་ཁམས་འདིར་སྔར་མ་བྱུང་།། མི་འབྱུང་འབྱུང་བར་མི་འགྱུར་ཏེ།། ཅི་ཕྱིར་འདི་ཉིད་ཡོངས་རྫོགས་ཡིན།། ལུས་ངག་ཡིད་གསུམ་སྲུང་བའི་མཁར།། རྡོ་རྗེའི་གོ་ཁྲབ་ཕུབ་ཆེན་ཡིན།། ནད
77a4 གདོན་དུག་མཚོན་གནམ་ལྕགས་བསྲུང་།། མདོར་ན་འཇིགས་པ་ཀུན་ཐུབ་སྟེ།། ཕྱོགས་ངན་ཀུན་དང་གནོད་ལས་རྒྱལ།། ཚེ་འདི་བར་དོ་ཕྱི་མ་ཡི།། སྲུང་བའི་རྒྱལ་པོར་འདི་འགྱུར་ཏེ།། ངན་སོང་གནས་ངན་ཀུན་ལས
77a5 གྲོལ།། འདི་ཡོད་འགྲོ་བ་སངས་རྒྱས་ཡིན།། རྒྱལ་བ་རྣམས་ཀྱི་སྲས་སུ་གཟིགས།། དམ་ཅན་རྣམས་ཀྱིས་མགོན་སྟོངས་མཛད།། ལྷ་སྲིན་སྡེ་བརྒྱད་བྲན་དུ་འཁོལ།། འདའ་ཁར་བྱང་ཆུབ་རྟགས་ལ་སྦྱོར།། ཞེས་བཀའ
77a6 སྩལ་ཏོ།། དཔལ་གསང་བ་འདུས་པ་རྒྱུད་ཀྱི་རྒྱལ་པོ་ལས། བདེ་གཤེགས་ཡོངས་རྫོགས་བཀའི་སྲུང་འཁོར་བསྟན་པའི་ལེའུ་སྟེ་ཉེར་བརྒྱད་པའོ།། །། དེ་ནས་ཡང་འདུས་པའི་འཁོར་རྣམས་ཀྱིས་མགྲིན་གཅིག།
iiif viewer powered by OpenSeadragon
