| e-texts navigator |
| Wylie |
76a1 བ་སྐུ་ལ་གྲག་པ་གསུང་།། དྲན་རྟོག་ཐུགས་ཀྱི་རང་བཞིན་ཡིན།། སྐུ་གསུང་ཐུགས་རྟེན་ཡོངས་རྫོགས་ཀྱང་།། བློ་དམན་བློ་ལ་དེར་མི་སྣང་།། ཤེས་རབ་བློ་ལྡན་སྐྱེས་མཆོག་གིས།། རྡུལ་གཅིག་སྟེང་ན
76a2 རྡུལ་སྙེད་ཀྱི།། སངས་རྒྱས་མ་ལུས་ཡོངས་རྫོགས་སྐུར།། རབ་གནས་དམ་པ་དེ་ཉིད་དོ།། རང་རིག་རང་གསལ་རབ་གནས་རབ།། རབ་གནས་ཀུན་གྱི་རྒྱལ་པོ་ཡིན།། རབ་གནས་ཕུན་ཚོགས་དེ་དག་གིས།། ཇི་སྲིད
76a3 ཡུན་གྱི་རྟེན་བྱས་ན།། བཀྲ་ཤིས་བྱིན་ཆེན་བསམ་ལེགས་འགྲུབ།། འབྲས་བུ་སྐུ་གསུམ་ཞིང་དུ་སྦྱོར།། ཞེས་བཀའ་སྩལ་ཏོ།། དཔལ་གསང་བ་འདུས་པའི་རྒྱུད་ཀྱི་རྒྱལ་པོ་ལས། རྟེན་གསུམ་རབ་གནས་ཡོངས་རྫོགས
76a4 ཀྱི་ལེའུ་སྟེ་ཉེར་བདུན་པའོ།། །། དེ་ནས་ཡང་འདུས་པའི་འཁོར་རྣམས་ཀྱིས་མགྲིན་གཅིག་ཏུ་སྟོན་པ་ཀུན་ཏུ་བཟང་པོ་དཔལ་ཆེ་མཆོག་ཧེ་རུ་ཀ་ལ་གསོལ་པ།། ཀྱེ་ཀྱེ་ཀྱེ། ཐམས་ཅད་སྟོན་པ་ཀུན་ཏུ
76a5 བཟང་།། ཐུགས་རྗེ་ཆེ་མཆོག་ཧེ་རུ་ཀ། སྒོ་གསུམ་བར་ཆད་ཀུན་སྐྱོབ་པའི།། བདེ་གཤེགས་ཀུན་འདུས་སྲུང་འཁོར་གང་།། བདག་ཅག་འཁོར་ལ་བཀའ་སྩོལ་ཅིག། དེ་སྐད་གསོལ་པའི་དོན་དགོངས་ནས།། སྟོན་པ
76a6 ཆེན་པོས་བཀའ་སྩལ་པ།། བདེ་གཤེགས་བཀའ་ཡི་སྲུང་འཁོར་ལ།། འཁོར་ལོ་རྫས་དང་ཏིང་འཛིན་ཏེ།། ཀུན་ཐུབ་འཁོར་ལོའི་སྲུང་བ་ལ།། ཤོག་ཤོག་རས་སམ་དར་དཀར་ལ།། རཏྣ་ལྔ་སྦྱར་སྣག་ཚ་ཡིས།། དབུས
iiif viewer powered by OpenSeadragon
