| e-texts navigator |
| Wylie |
75b1 ལྔ་ཡི་དབང་བསྐུར་བྱ།། བུམ་དབང་གཞུང་བཞིན་བསྐུར་བའི་རྗེས།། ནས་འབྲུ་མེ་ཏོག་དཀར་པོ་ལ།། རྟེན་འབྲེལ་འབུམ་བསྙེན་མེ་ཏོག་དོར།། ན་མོ་རཏྣ་ཏྲ་ཡཱ་ཡ། ཨོཾ་ཡེ་དྷརྨཱ་ཧེ་ཏུ་པྲ་བྷཱ་ཝ་ཧེ་ཏུནྟེ་ཥཱནྟ་ཐཱ་ག་ཏོ་ཧྱ་ཝ་ད
75b2 ཏ། ཏེ་ཥཱཉྩ་ཡོ་ནི་རོ་དྷ་ཨེ་ཝཾ་བཱ་དཱི་མ་ཧཱ་ཤྲ་མ་ཎཿསྭཱ་ཧཱ། དེ་རྗེས་བུ་སློབ་ཡོན་བདག་ལ།། བུམ་དབང་བཀྲ་ཤིས་རྫས་བཞི་དང་།། སྣ་བདུན་རྫས་བརྒྱད་དབང་བསྐུར་བྱ།། ཚོགས་འཁོར་བཟང་པོས་ཞལ་བསྲོ་བྱ།། ཁ
75b3 བརྡ་བཟང་སྨྲ་སྤྱོད་ལམ་གཟབ།། བཀྲ་ཤིས་སྐྱིད་པའི་ལྷ་བྲོ་བྱ།། རྒྱས་པའི་སྦྱིན་བསྲེག་སྨོན་ལམ་གདབ།། ཕུད་གཏོར་ལྷ་དང་ཆོས་སྐྱོང་མཆོད།། རྟེན་གྱི་གཉེར་གཏད་དྲག་ཏུ་བྱ།། གཏང་རག་མཆོད་པ་དགའ་སྟོན
75b4 བྱབྱ།། ཡོན་དབུལ་དགེ་བའི་རྩ་བ་བསྔོ།། སྤྲོས་པ་ཉེར་བསྡུའི་རབ་གནས་ནི།། སྔོན་འགྲོ་ཁྲུས་སོགས་ཡོངས་རྫོགས་རྗེས།། གང་ལ་བྱ་བའི་རྟེན་དེ་ཉིད།། ཆོ་ག་གསུམ་གྱིས་སྦྱངས་བྱས་ཏེ།། རང་རང་ཡེ་ཤེས་ངོ་བོར
75b5 བསམ།། དེ་ལ་དབང་བསྐུར་མེ་ཏོག་གཏོར།། མཆོད་པ་བཟང་པོ་མང་ཕུལ་ནས།། ཡི་དམ་ལྷག་པའི་རྟེན་དུ་བཟུང་།། ཇི་ལྟར་བསམ་པ་དེ་བཞིན་ཡིན།། སྤྲོས་མེད་དོན་གྱི་རབ་གནས་ནི།། བསྙེན་རྫོགས་རྟོགས་ལྡན
75b6 རྣལ་འབྱོར་པས།། གཟིགས་པས་རབ་ཏུ་གནས་པ་འཆགས།། ཕྱི་ནང་སྣོད་བཅུད་སྣང་སྲིད་ཀུན།། ཡེ་ནས་ཆོས་སྐུའི་ངོ་བོར་གནས།། དེར་ཤེས་དབྱིངས་ལས་མ་གཡོས་ན།། རྣམ་དག་རྟེན་མཆོག་བླ་ན་མེད།། སྣང
iiif viewer powered by OpenSeadragon
