| e-texts navigator |
| Wylie |
74a1 མན་ངག་རིམ་པར་གཞུག། སྲོག་ཤིང་ནང་དུ་སྲོག་ཕུར་གདབ།། སྲོག་ཤིང་ཕྱི་ལ་ཚེ་དཔག་མེད།། གཟུགས་དང་སྔགས་སུ་བཅས་པ་དགོད།། ཁ་དོག་ཕྱོགས་མཚོན་གདུལ་བྱར་བསྟན།། དར་བཟང་ལ
74a2 སོགས་ན་བཟས་བཀླུབ།། བང་རིམ་དང་པོ་ནས་བརྩམས་ཏེ།། བསྒྲུབ་རྫས་མཆོད་རྫས་རྐྱེན་དབང་བཟློག། བང་རིམ་གསུམ་པའི་ནང་དུ་བསག། བུམ་དཀྱིལ་བསྒྲུབ་ཁང་རྣལ་འབྱོར་གནས།། སྒོ་རྣམས་ལ་ནི་འཁོར
74a3 རིམ་བཞིན།། ཉམས་ལེན་བསྒྲུབ་པའི་གནས་བྱས་ན།། གྲུབ་པ་མཐར་ཕྱིན་འཁྲུལ་པ་སེལ།། སྐུ་གསུམ་རྒྱལ་བཞི་དང་ཁྲོ།། གསང་བ་ཡོངས་རྫོགས་བདེ་གཤེགས་ཀྱི།། རྟེན་གསུམ་ཡོངས་རྫོགས་ངོ་མཚར
74a4 ཆེ།། རྟེན་འདི་ཇི་སྲིད་གནས་ཀྱི་བར།། དེ་སྲིད་སངས་རྒྱས་བསྟན་པ་རྒྱས།། འགྲོ་བ་ཀུན་འདུལ་ལས་སྒྲིབ་སྦྱང་།། བསོད་ནམས་ཕུན་ཚོགས་ཡོངས་རྫོགས་ཤིང་།། རྒྱུ་སྦྱོར་བཞེངས་མཁན་མ་ལུས་ཀུན།། ཚེ་འདིར
74a5 བཀྲ་ཤིས་ཚེ་རིང་འཕེལ།། ཕྱི་མ་ཞིང་ཁམས་རྣམ་དག་ཐོབ།། ཡུལ་ཕྱོགས་གླིང་ཁམས་བཀྲ་ཤིས་འབྱུང་།། ཐབས་མཆོག་ཡོངས་རྫོགས་རྨད་དུ་བྱུང་།། བསྟན་པའི་རིམ་གྲོ་འདི་ཁོ་ན།། དང་དུ་ལོངས་ཤིག་བསམ་པ
74a6 འགྲུབ།། ཅེས་བཀའ་སྩལ་ཏོ།། དཔལ་གསང་བ་འདུས་པ་རྒྱུད་ཀྱི་རྒྱལ་པོ་ལས། རྟེན་མཆོག་བཀྲ་ཤིས་སྐུ་གསུམ་ཡོངས་རྫོགས་སུ་བཞེངས་ཐབས་བསྟན་པའི་ལེའུ་སྟེ་ཉེར་དྲུག་པའོ།། ། དེ་ནས་ཡང་འདུས་པའི
iiif viewer powered by OpenSeadragon
