| e-texts navigator |
| Wylie |
72a1 གཞི་འཇུག་ཁར་ཆས་གོས་གསོལ།། ཆེ་མཆོག་དགུ་བསྟོད་ང་རྒྱལ་བྱ།། སྣང་སྲིད་མདོས་སུ་བྱིན་གྱིས་བརླབ།། མདོས་ཀྱི་མཚོན་པ་ལ་བརྟེན་ནས།། ལས་ཀྱི་ལྷ་རྣམས་རྫས་ཀྱིས་བསྐང་།། ཡེ་ཤེས་ལྷ
72a2 རྣམས་དོན་གྱིས་བསྐང་།། གཉིས་སུ་མེད་པར་ཐུགས་དམ་བསྐང་།། ཡོངས་རྫོགས་རྗེས་སུ་བྱེ་བྲག་བསྔོ།། ཕྲིན་ལས་རྣམ་བཞི་ལ་སོགས་པའི།། གང་བསྒྲུབ་ལས་གཉེར་སོ་སོར་གཏད།། ཟོར་བསྒྱུར་སྒོ་དབྱེ་ལམ
72a3 བསྟན་བྱ།། ཚེ་འགུགས་བཀྲ་ཤིས་ཆོ་ག་བྱ།། དབྱིངས་ནས་མདོས་ཕྱུང་འགྲོ་དོན་མཛད།། སླར་ཡང་ཆོས་ཀྱི་དབྱིངས་སུ་ཐིམ།། དངོས་གྲུབ་ཐམས་ཅད་མདོ་ལས་འབྱུང་།། ཞེས་བཀའ་སྩལ་ཏོ།། དཔལ་གསང་བ
72a4 འདུས་པ་རྒྱུད་ཀྱི་རྒྱལ་པོ་ལས། ཡོངས་རྫོགས་གླིང་བཞི་སྲིད་པ་སྤྱི་མདོས་ཀྱི་ལེའུ་སྟེ་ཉེར་ལྔ་པའོ།། །། དེ་ནས་ཡང་འདུས་པའི་འཁོར་རྣམས་ཀྱིས་མགྲིན་གཅིག་ཏུ་སྟོན་པ་ཀུན་ཏུ་བཟང་པོ་དཔལ་ཆེ་མཆོག
72a5 ཧེ་རུ་ཀ་ལ་གསོལ་པ། ཀྱེ་ཀྱེ་ཀྱེ། ཐམས་ཅད་སྟོན་པ་ཀུན་ཏུ་བཟང་།། ཐུགས་རྗེ་ཆེ་མཆོག་ཧེ་རུ་ཀ། ཇི་སྲིད་བར་དུ་འགྲོ་འདུལ་བའི།། སྐུ་གསུང་ཐུགས་རྟེན་བཞེད་ཐབས་གང་།། ཞེས་གསོལ་སྟོན་པས་བཀའ་སྩལ
72a6 པ།། བདེ་གཤེགས་སྐུ་གསུང་ཐུགས་ཡོངས་རྫོགས།། སྣོད་བཅུད་ཚུལ་དུ་བཞེད་ཐབས་བཤད།། དང་པོ་སྣོད་ཀྱི་གཞལ་ཡས་ཁང་།། ཡིད་འོང་དགེ་ཞིང་དུལ་བའི་སར།། ས་ཡི་སྟ་གོན་སྔོན་སོང་ནས།། སྣོད་ཀྱི་འཇིག
iiif viewer powered by OpenSeadragon
