| e-texts navigator |
| Wylie |
6b1 མེད་ཅིང་།། ཐབས་ཤེས་གཉིས་མེད་བསྒོམ་པའི་མཆོག། སངས་རྒྱས་སེམས་ཅན་གཉིས་མེད་ཅིང་།། འཁོར་འདས་གཉིས་མེད་བསྒོམ་པའི་མཆོག། ཡུལ་དང་དབང་པོ་གཉིས་མེད་ཅིང་།། བདེ་སྡུག་གཉིས་མེད
6b2 བསྒོམ་པའི་མཆོག། རང་རིག་དཔལ་དང་གཉིས་མེད་ཅིང་།། ལྟ་སྤྱོད་གཉིས་མེད་བསྒོམ་པའི་མཆོག། རྣམ་རྟོག་ཆོས་སྐུ་གཉིས་མེད་ཅིང་།། མཚན་མ་ཟིལ་གནོན་བསྒོམ་པའི་མཆོག། གཉིས་མེད་དོན་ལ་དབང་ཐོབ
6b3 ན།། ཏིང་འཛིན་ཡོངས་རྫོགས་བསྒོམ་པ་ཡིན།། ཞེས་བཀའ་སྩལ་ཏོ།། དཔལ་གསང་བ་འདུས་པ་རྒྱུད་ཀྱི་རྒྱལ་པོ་ལས། བསྒོམ་པ་བསྟན་པའི་ལེའུ་སྟེ་ལྔ་པའོ།། །། དེ་ནས་ཡང་འདུས་པའི་འཁོར་རྣམས
6b4 ཀྱིས།། སྟོན་པ་ཀུན་ཏུ་བཟང་པོ་དཔལ་ཆེ་མཆོག་ཧེ་རུ་ཀ་ལ་གསོལ་པ། ཀྱེ་ཀྱེ་ཀྱེ། རང་བྱུང་རིག་པ་ཀུན་ཏུ་བཟང་།། བདེ་སྤྱོད་ཆེ་མཆོག་ཧེ་རུ་ཀ། རྒྱུད་དོན་སྤྱོད་པའི་རྒྱལ་པོ་ནི།། བདག་ཅག་རྣམས་ལ་བཀའ་སྩལ
6b5 ཞུ།། དེ་སྐད་གསོལ་པ་ཐུགས་དགོངས་ཏེ།། སྟོན་པ་ཆེན་པོས་བཀའ་སྩལ་པ།། འདུས་པའི་འཁོར་ཚོགས་རྩེ་གཅིག་ཉོན།། རྒྱུད་དོན་སྤྱོད་པའི་རྒྱལ་པོ་ནི།། གང་ལྟར་ལྟ་སྒོམ་དབྱེར་མེད་པའི།། ངང་ལས་འབྲལ
6b6 མེད་སྤྱོད་པའི་མཆོག། ཉིན་སྣང་རྟོགས་པའི་དོན་བསྟན་ནས།། རྨི་ལམ་བདེ་བ་སྤྱོད་པའི་མཆོག། རིགས་པ་གར་འགྲུས་ལྟ་བ་དྲན།། རང་སྣང་འཛིན་མེད་སྤྱོད་པའི་མཆོག། འཛིན་པ་གྲོལ་བས་སྣང་བ་དག། སྣང་བ
iiif viewer powered by OpenSeadragon
