| e-texts navigator |
| Wylie |
69b1 སེམས།། ཡིན་པ་མེད་པའི་ལྟ་བས་རྟོགས།། མིན་པ་མེད་པའི་སྒོམ་ཉམས་ལོན།། ཡིན་མིན་མེད་པའི་སྤྱོད་པས་རྟོགས།། རེ་དོགས་མེད་པའི་བྱང་ཆུབ་ནི།། རྩ་བ་ཡན་ལག་ཐམས་ཅད་ཀྱི།། ཆག་ཉམས་མ་བྱུང་མ
69b2 སྐྱེས་པས།། བཤག་བྱ་བཤགས་བྱེད་གཉིས་མེད་གྲོལ།། ཞེས་བཀའ་སྩལ་ཏོ།། དཔལ་གསང་བ་འདུས་པ་བརྒྱུད་ཀྱི་རྒྱལ་པོ་ལས། འགྱོད་ཚངས་ཡོངས་རྫོགས་ན་རག་དོང་སྤྲུག། བཤགས་པའི་ལེའུ་སྟེ་ཉེར་གསུམ
69b3 པའོ།། །། དེ་ནས་ཡང་འདུས་པའི་འཁོར་རྣམས་ཀྱིས་མགྲིན་གཅིག་ཏུ་སྟོན་པ་ཀུན་ཏུ་བཟང་པོ་དཔལ་ཆེ་མཆོག་ཧེ་རུ་ཀ་ལ་གསོལ་པ། ཀྱེ་ཀྱེ་ཀྱེ། རིན་ཆེན་འོད་འབར་ཀུན་ཏུ་བཟང་།། ཐམས་ཅད་ཚིགས
69b4 བྱེད་ནམ་མཁའི་མཛོད།། ལྷ་རྣམས་མདངས་ཀྱིས་ཇི་ལྟར་བསྐང་།། བདག་ཅག་འཁོར་ལ་བཀའ་སྩོལ་ཅིག། དེ་སྐད་གསོལ་པའི་དོན་དགོངས་ནས།། སྟོན་པ་ཉིད་ཀྱིས་བཀའ་སྩལ་པ།། འདུས་པའི་འཁོར་རྣམས་རྩེ
69b5 གཅིག་ཉོན།། རྩ་ལག་དམ་ཚིག་གཡེལ་ཉམས་ཉོན།། ལེ་ལོས་དུས་མཆོད་ཆག་པའམ།། ལྷ་དང་འཁོན་གཟུགས་སྦྱང་བ་དང་།། བསོད་ནམས་ཚོགས་ཆེན་བསག་བྱའི་ཕྱིར།། བསྐང་གསོའི་རིམ་པ་འདི
69b6 སྟེ།། དཀྱིལ་འཁོར་གཞུང་བཞིན་བཞེངས་པའི་རྩར།། ལྷ་བཀྲམ་རྟེན་གྱི་ཚོགས་ཀྱང་བཤམ།། འབྱོར་ལྡན་ཡོ་བྱད་གཏོར་མཆོད་བཤམ།། སྐལ་ལྡན་མི་ཡི་ཚོགས་ཀྱང་བཤམ།། ཕྲིན་ལས་ཚོགས་འཁོར་གཞུང
iiif viewer powered by OpenSeadragon
