| e-texts navigator |
| Wylie |
68a1 རྒུད་ཀྱི་རྒྱལ་པོ་ལས། བཅུད་ལེན་ཡོངས་རྫོགས་འཆི་མེད་ཚེ་སྒྲུབ་ཀྱི་ལེའུ་སྟེ་ཉེར་གཉིས་པའོ།། ། དེ་ནས་ཡང་འདུས་པའི་འཁོར་རྣམས་ཀྱིས་མགྲིན་གཅིག་ཏུ་སྟོན་པ་ཀུན་ཏུ་བཟང
68a2 དཔལ་ཆེ་མཆོག་ཧེ་རུ་ཀ་ལ་གསོལ་པ། ཀྱེ་ཀྱེ་ཀྱེ། སྐྱོན་གྱིས་མ་གོས་ཀུན་ཏུ་བཟང་།། དྲི་མེད་དཔལ་ཆེན་ཧེ་རུ་ཀ། དམ་འགལ་ཉམས་པ་ཇི་ལྟར་བཤགས།། བདག་ཅག་འཁོར་ལ་བཀའ་སྩོལ་ཅིག། དེ་སྐད་གསོལ
68a3 པའི་དོན་དགོངས་ནས།། སྟོན་པ་ཉིད་ཀྱིས་བཀའ་སྩལ་པ།། ཉམས་གྲིབ་གནོད་འགྱོད་ཅན་ཉོན་ཅིག། སེམས་ཅན་ལས་དང་རྐྱེན་དབང་གྱིས།། རྩ་བ་ཡན་ལག་ཉམས་སྲིད་ན།། དབང་ཞུ་སྒོ་གསུམ་དད་བསྐྱེད
68a4 དེ།། བཤགས་ཐབས་རྨད་བྱུང་འདི་ལྟ་སྟེ།། ལུས་ངག་ཡིད་གསུམ་སྒོ་ནས་སྦྱང་།། སྔགས་དང་ཕྱག་རྒྱས་ལུས་ཉམས་བཤགས།། བླ་མ་བདེ་གཤེགས་ཡོངས་རྫོགས་རྣམས།། དབང་པོའི་མངོན་སུམ་འདྲ་བར
68a5 དམིགས།། ན་རག་དོང་སྐྲག་ཀྱང་ཕྱག་འཚལ།། ཨེ་མ་ཧོ།། ཕྱོགས་བཅུ་དུས་བཞི་ཀུན་གྱི་བདག་ཉིད་ཆེ།། བླ་མ་ཞི་ཁྲོ་ཡོངས་རྫོགས་དགོངས་སུ་གསོལ།། འདིར་གཤེགས་ཉི་ཟླ་པདྨའི་གདན་ལ་བཞུགས།། ཉམས
68a6 ཆག་ན་རག་སྦྱང་ཕྱིར་ཕྱག་མཆོད་བཞེས།། ཡོན་ཏན་ཕུན་ཚོགས་བླ་མ་རྣམས་ལ་ཕྱག་འཚང་ལོ།། དམིགས་མེད་སྤྲོས་བྲལ་ཆོས་ཀྱི་སྐུ་ལ་ཕྱག་འཚལ་ལོ།། བདེ་ཆེན་ལོངས་སྤྱོད་རྫོགས་པའི་སྐུ་ལ་ཕྱག་འཚལ
iiif viewer powered by OpenSeadragon
