| e-texts navigator |
| Wylie |
66b1 གཡོན་པ་ནུབ། རྐང་གཡས་ཤར་ལ་གཡོན་པ་བྱང་།། གནས་བཅུ་གནས་བརྒྱད་ཡོངས་སུ་རྫོགས།། ལས་ཀྱི་གཞུང་བསང་ཚོགས་འཁོར་བྱ།། དེ་ནས་ཡོངས་རྫོགས་ལྷར་བསྐྱེད་ལ།། འཛབ་དང་འཕྲོ་འདུ་གོང་ལྟར
66b2 བྱ།། ལྷ་ཚོགས་སིལ་བུའི་མཚན་བརྗོད་ཅིང་།། ཐུགས་དམ་བསྐང་ཞིང་དྲག་ཏུ་བསྐུལ།། དོན་གྱི་དམ་རྫས་ཕུད་དཀྲོལ་ལ།། དངོས་གྲུབ་བླང་ཞིང་ཏིང་འཛིན་བསྡུ།། དེ་ནས་སིལ་བུར་མཆོད་རྫས་བྱ།། ཤ་ཁྲག་ཕུད
66b3 དཀྲོལ་གཏོར་མ་གཏང་།། རྟེན་བསྡུ་རུས་ཚོགས་སྦྱིན་བསྲེག་བྱ།། དེས་ནི་ཉམས་ཆག་ཀུན་བསྐངས་ཤིང་།། དངོས་གྲུབ་རྣམ་གཉིས་འཕྲལ་དུ་འབྱུང་།། མཚན་མའི་རྣམ་རྟོག་རང་སར་གྲོལ།། གསང་སྤྱོད་འདི་ལ་རབ
66b4 ཏུ་བརྣན།། ཞེས་བཀའ་སྩལ་ཏོ།། དཔལ་གསང་བ་འདུས་པ་རྒྱུད་ཀྱི་རྒྱལ་པོ་ལས། དངོས་གྲུབ་རྫས་ཆེན་ཡོངས་རྫོགས་བམ་སྒྲུབ་ཀྱི་ལེའུ་སྟེ་ཉེར་གཅིག་པའོ།། །། དེ་ནས་ཡང་འདུས་པའི་འཁོར་རྣམས་ཀྱིས
66b5 མགྲིན་གཅིག་ཏུ་སྟོན་པ་ཀུན་ཏུ་བཟང་པོ་དཔལ་ཆེ་མཆོག་ཧེ་རུ་ཀ་ལ་གསོལ་པ། ཀྱེ་ཀྱེ་ཀྱེ། འཆི་མེད་རྡོ་རྗེ་ཀུན་ཏུ་བཟང་།། ཚེ་བདག་ཆེན་པོ་ཧེ་རུ་ཀ། ཚེ་དབང་རིན་ཆེན་མཆོག་སྒྲུབ་ཐབས།། བདག་ཅག་རྣམས་ལ
66b6 བཀའ་སྩོལ་ཅིག། དེ་སྐད་གསོལ་པའི་དོན་དགོངས་ནས།། སྟོན་པ་ཉིད་ཀྱིས་བཀའ་སྩལ་པ།། བླ་མེད་གསང་བསྒྲུབ་རྩེ་གཅིག་ཉོན།། ཚེ་དབང་རིན་ཆེན་མཆོག་སྒྲུབ་པ།། བདུད་རྩི་ཤེལ་གྱི་བུམ་བཅུད་བཤད།། དེ
iiif viewer powered by OpenSeadragon
