| e-texts navigator |
| Wylie |
65a1 དམ་པར་འགྱུར།། རྟོག་པ་ཡེ་ཤེས་སྨན་སྦྱར་བས།། དུག་ལྔ་སྨན་གྱུར་ཡེ་ཤེས་སྤྱོད།། མཉམ་ཉིད་རྟོགས་པས་ཡོན་ཏན་རྫོགས།། རང་བྱུང་རྣམ་དག་ཡོན་ཏན་མཆོག། དམ་རྫས་བདུད་རྩི་རྩ་བ
65a2 ལྔ།། རང་ལུགས་སྤྱད་དམ་བསྒྲུབ་ན་མཆོག། རྣམ་སྣང་བདུད་རྩི་ཕུན་ཚོགས་གཙོ།། སྤྱི་དང་བྱེ་བྲག་སོ་སོ་སྟེ།། རྒྱལ་བློན་འཁོར་ཚོགས་ཕྱི་ནང་གསང་།། ལས་ཚོགས་དམ་བསྲུངས་གགས་བསལ་ན།། ཡོན་ཏན
65a3 འབྲས་བུ་ཐུན་མོང་རྫོགས།། རྗེས་ཀྱི་ཆོ་ག་སྒྲུབ་ཆེན་བཞིན།། ཡོན་ཏན་ཡོངས་རྫོགས་འདིས་འགྲུབ་བོ།། ཞེས་བཀའ་སྩལ་ཏོ།། དཔལ་གསང་བ་འདུས་པ་རྒྱུད་ཀྱི་རྒྱལ་པོ་ལས། དམ་རྫས་ཡོངས་རྫོགས་བདུད་རྩི
65a4 སྨན་སྒྲུབ་ཀྱི་ལེའུ་སྟེ་ཉི་ཤུ་པའོ།། །། དེ་ནས་ཡང་འདུས་པའི་འཁོར་རྣམས་ཀྱིས་མགྲིན་གཅིག་ཏུ་སྟོན་པ་དཔལ་ཀུན་ཏུ་བཟང་པོ་ཆེ་མཆོག་ཧེ་རུ་ཀ་ལ་གསོལ་པ། ཀྱེ་ཀྱེ་ཀྱེ། མི་རྟོག་རྟོག་བྲལ་ཀུན་ཏུ
65a5 བཟང་།། དངོས་གྲུབ་ཀུན་འབྱུང་ཧེ་རུ་ཀ། དངོས་གྲུབ་རྫས་ཆེན་བམ་སྒྲུབ་ཐབས།། བདག་ཅག་རྣམས་ལ་བཀའ་སྩོལ་ཅིག། དེ་སྐད་གསོལ་པའི་དོན་དགོངས་ཏེ།། སྟོན་པ་ཉིད་ཀྱིས་བཀའ་སྩལ་པ།། དཔའ་གཏུམ
65a6 ནུས་པ་ལྡན་ཀུན་ཉོན།། གཟིགས་སྟངས་ལྔ་ཡི་སྒོ་ནས་བསྒྲུབས།། ཐུགས་རྗེའི་ཡུལ་དང་སློབ་མ་དང་།། ལྷ་དང་རུ་དྲ་མཆོད་རྫས་སོ།། མཆོད་རྫས་དངོས་གྲུབ་མཆོག་སྒྲུབ་ནི།། ངན་སོང་གནས་ནས་དྲང་བསམས
iiif viewer powered by OpenSeadragon
