| e-texts navigator |
| Wylie |
64b1 དང་།། ཤེལ་ཕོར་དཀར་པོ་དྲི་མེད་མཛེས།། བདུད་རྩི་ལྔ་ཡི་བཅུད་བླུགས་ཏེ།། དམ་རྫས་བདུད་རྩིའི་ཆུ་འདི་ནི།། ཡེ་ཤེས་ལྷ་ལ་ཕུལ་བའི་ཚེ།། རྒྱལ་བའི་དཀྱིལ་འཁོར་ཐམས་ཅད་མཉེས།། དམ་ཅན་རྣམས་ལ
64b2 མཆོད་པ་ཡིས།། སྲུང་མ་རྣམས་ཀྱི་ཐུགས་དམ་བསྐང་།། རིག་འཛིན་རྣམས་ལ་ཕུལ་བའི་ཚེ།། དངོས་གྲུབ་རྒྱ་མཚོ་ཐམས་ཅད་སྟེར།། རྣལ་འབྱོར་བདག་ཉིད་མྱོང་བའི་ཚེ།། དབང་དང་དངོས་གྲུབ་ཡོངས་སུ
64b3 རྫོགས།། བདུད་དང་བགེགས་ལ་ཕོགས་པའི་ཚེ།། ལུས་སེམས་ཐལ་བ་རྡུལ་དུ་བརླག། ཨེ་མ་ཧོ།། དམ་རྫས་བདུད་རྩིའི་ཆུ་འདི་ནི།། འཐོང་ངམ་ཐོས་སམ་རེག་པས་ཀྱང་།། ཐམས་ཅད་དབང་ཕྱུག་བདག
64b4 གིས་ཐོབ།། ཨེ་མ་ཐབས་ཆེན་ཁྱད་པར་ཆེ།། ཨེ་མ་ཐབས་ཆེན་བླ་ན་མེད།། ཨེ་མ་ངོ་མཚར་རྨད་བྱུང་བ།། ལྟ་བ་རྨད་བྱུང་ངོ་མཚར་ཆེ།། སྤྱོད་པ་རྨད་བྱུང་ངོ་མཚར་ཆེ།། ཉོན་མོངས་མ་སྤངས་ངོ་མཚར་ཆེ།། ཡེ་ཤེས
64b5 ལྔ་རྫོགས་ངོ་མཚར་ཆེ།། སྐུ་ལྔ་ལྷུན་གྲུབ་ངོ་མཚར་ཆེ།། ཆོས་སྐུ་གཅིག་ལ་ཐ་དད་པ།། རིགས་ལྔའི་དངོས་གྲུབ་འདིར་ཐོབ་བོ།། ཡང་དག་འཆི་མེད་དོན་བརྙེས་སོ།། ཞེས་བརྗོད་ལྷ་རྣམས་བདུད་རྩིར་ཞུ།། བུམ
64b6 གཅིག་རྫས་དབང་བསྐུར་བྱ་ཞིང་།། བདེ་གཤེགས་ཡོངས་རྫོགས་སྨན་མཆོད་བྱ།། ལྕེ་ཐོག་ལན་བདུན་དངོས་གྲུབ་བླང་།། རྗེས་སུ་བདུད་རྩི་འཁྱིལ་པ་བསྐྱེད།། རིན་ཆེན་ག་འུར་གཏེར་དུ་སྩལ།། འདི་གྲུབ་རྒྱལ་སྲས
iiif viewer powered by OpenSeadragon
