| e-texts navigator |
| Wylie |
5b1 དགོངས་ཏེ།། སྟོན་པ་ཆེན་པོས་བཀའ་སྩལ་པ།། འདུས་པའི་འཁོར་ཚོགས་རྩེ་གཅིག་ཉོན།། རྒྱུད་དོན་ལྟ་བའི་རྒྱལ་པོ་ནི།། གཞི་རྩ་མེད་པའི་སེམས་ཉིད་འདི།། ཆོས་རྣམས་ཀུན་གྱི་རྩ་བ་ཡིན།། འཁོར་དང་མྱ་ངན
5b2 འདས་པའི་ཆོས།། ཡེ་ནས་མ་བཅོས་ཆོས་ཀྱི་སྐུ།། དུས་གསུམ་བདེ་གཤེགས་ཐམས་ཅད་ཀྱི།། ཐུགས་དགོངས་ལྟ་བ་མཐར་ཐུག་པ།། སྣང་སྲིད་གཞིར་བཞེངས་ལྟ་བ་རུ།། འཁོར་འདས་གཉིས་མེད་ཡོངས་སུ
5b3 རྫོགས།། ཧེ་རུ་ཀ་ལས་གཞན་མ་ཡིན།། ཐིག་ལེ་སྙིང་པོ་བྱང་སེམས་བརྡལ།། ཡང་དག་དོན་གྱི་གནས་ལུགས་ཏེ།། སྤྲོས་བྲལ་ཐིག་ལེ་གཅིག་ཏུ་རྫོགས།། རང་བྱུང་རང་ཤར་རང་གྲོལ་བས།། རང་བཞིན་མ་བཅོས
5b4 སྤྲོས་བྲལ་བཞག། ཁྱུང་ཆེན་ནམ་མཁར་ལྡིང་བ་བཞིན།། སྣང་སྲིད་སྤྱི་རྒྱ་རླབས་ཀྱིས་ཆོད།། སེམས་ལས་ཀུན་འབྱུང་བདེ་གཤེགས་སེམས།། རང་ལས་སངས་རྒྱས་གཞན་ན་མེད།། བལྟས་པས་དཔལ་ཆེན་ཞལ་མ
5b5 མཐོང་།། ཚིག་མཚོན་དཔེར་བྱ་ཀུན་ལས་འདས།། བརྗོད་དང་བརྗོད་བྲལ་གཉིས་སུ་མེད།། བལྟ་བྱ་མ་འགགས་ལྟ་བྱེད་མེད།། གཉིས་མེད་དོན་རྟོགས་ཆོས་ཀྱི་སྐུ།། རང་རིག་སེམས་ལ་སེམས་ཀྱིས་ལྟོས།། ངོས
5b6 བཟུང་མ་གྲུབ་ངོ་བོས་སྟོང་།། སྟོང་པ་ཉིད་དེ་རང་གསལ་ལ།། གསལ་བའི་དུས་ན་དངོས་པོ་མེད།། དངོས་མེད་དེ་ཉིད་གསལ་བར་ཤར།། དེ་ཕྱིར་གསལ་སྟོང་གཉིས་སུ་མེད།། ས་ལེ་ཧྲིག་གི་འཛིན་ཞེན་མེད།། དེ་ལ
iiif viewer powered by OpenSeadragon
