| e-texts navigator |
| Wylie |
5a1 འབྲིང་ལ་དགོངས།། བསྐྱེད་དང་རྫོགས་པ་ཨ་ཏི་གསུམ།། གང་ཟག་དབང་པོ་རབ་ལ་དགོངས།། དབྱེ་ན་དབང་པོ་རིམ་དགུས་ཆེད།། རེ་རེ་ལ་ཡང་ངོ་བོ་དང་།། ངེས་ཚིག་དབྱེ་བ་རང་འདོད
5a2 ཀྱིས།། འཇུག་སྒོ་ལྟ་སྤྱོད་སྒོམ་པ་དང་།། ཕྲིན་ལས་འབྲས་བུའི་རིམ་པ་བསྟན།། རྒྱལ་དགོངས་ཐེག་པ་སྣ་ཚོགས་ཀྱང་།། གོང་མ་གོང་མའི་ལྟ་བ་ཡིས།། འོག་མ་འོག་མ་རྣམས་ལ་གནོད།། དེ་ཕྱིར་རིམ་གྱིས་གོང་མ
5a3 འཕགས།། ཐེག་པ་གསུམ་གྱི་ངེས་འབྱུང་ལ།། ཐེག་པ་གཅིག་གི་འབྲས་བུར་གནས།། དེ་ལ་འཁོར་འདས་ཡོངས་རྫོགས་པས།། མཐར་ཐུག་རྣལ་འབྱོར་ངེས་པའི་དོན།། མངོན་སུམ་རྗེས་རིག་ཚད་དུ་དག། ཡི་གེ།
5a4 གསུམ་གྱིས་མངོན་སངས་རྒྱས།། དེ་ཕྱིར་ཡོངས་རྫོགས་རྒྱུད་ཆེན་འདིར།། རྒྱུད་ལུང་མན་ངག་ཡོངས་སུ་རྫོགས།། ཐུན་མོང་མ་ཡིན་ཐུགས་ཀྱི་རྒྱུད།། འདི་ལས་གསང་བའི་ངེས་དོན་མེད།། ཅེས་བཀའ་སྩལ
5a5 ཏོ།། དཔལ་གསང་བ་འདུས་པ་རྒྱུད་ཀྱི་རྒྱལ་པོ་ལས། བསྟན་པའི་རིམ་པ་ཐེག་པའི་རྣམ་གཞག་བསྟན་པའི་ལེའུ་སྟེ་གསུམ་པའོ།། །། དེ་ནས་ཡང་འདུས་པའི་འཁོར་རྣམས་ཀྱིས། སྟོན་པ་ཀུན་ཏུ་བཟང་པོ
5a6 དཔལ་ཆེ་མཆོག་ཧེ་རུ་ཀ་ལ་གསོལ་པ། ཀྱེ་ཀྱེ་ཀྱེ། ཡང་དག་དོན་སྟོན་ཀུན་ཏུ་བཟང་།། བླ་མེད་ཆེ་མཆོག་ཧེ་རུ་ཀ། རྒྱུད་དོན་ལྟ་བའི་རྒྱལ་པོ་དེ།། བདག་ཅག་རྣམས་ལ་བཀའ་སྩལ་ཞུ།། དེ་སྐད་གསོལ་པ་ཐུགས
iiif viewer powered by OpenSeadragon
