| e-texts navigator |
| Wylie |
58a1 མགྱོགས་འགྲུབ།། ཏིང་འཛིན་རིག་རྩལ་རང་དབང་ཐོབ།། སྙིང་རྗེ་ཆེ་ལ་ཆགས་སེམས་མེད།། རྨི་ལམ་སྒྱུ་མའི་ཉམས་དང་ལྡན།། སྒྲིབ་གཉིས་བག་ཆགས་ཀུན་བྱང་ནས།། བདེ་ཆེན་ལོངས་སྤྱོད
58a2 རྫོགས་སྐུ་འཐོབ།། ཅེས་པ་བཀའ་སྩལ་ཏོ།། དཔལ་གསང་བ་འདུས་པ་རྒྱུད་ཀྱི་རྒྱལ་པོ་ལས། བདེ་མཆོག་ཆགས་ལམ་ཡོངས་རྫོགས་གནད་ཀྱི་ལེའུ་སྟེ་བཅོ་བརྒྱད་པའོ།། །། དེ་ནས་ཡང་འདུས་པའི་འཁོར
58a3 རྣམས་ཀྱིས་མགྲིན་གཅིག་ཏུ་སྟོན་པ་ཀུན་ཏུ་བཟང་པོ་དཔལ་ཆེ་མཆོག་ཧེ་རུ་ཀ་ལ་གསོལ་པ། ཀྱེ་ཀྱེ་ཀྱེ། ཁམས་གསུམ་ཡོངས་སྒྲོལ་ཀུན་ཏུ་བཟང་།། བདུད་འདུལ་རྒྱལ་པོ་ཧེ་རུ་ཀ། དྲག་པོས་ཚར་གཅོད་སྒྲོལ་བའི
58a4 ལམ།། བདག་ཅག་རྣམས་ལ་བཀའ་སྩོལ་ཅིག། དེ་སྐད་གསོལ་པའི་དོན་དགོངས་ཏེ།། སྟོན་པ་ཉིད་ཀྱིས་བཀའ་སྩལ་པ།། གསང་སྔགས་མཐའ་སྡུད་སྦྱོར་སྒྲོལ་ལས།། ལོག་ལྟ་གདུག་པ་ཅན་དོན་དུ།། ལས་རྒྱུན
58a5 གཅོད་པའི་ཐུགས་རྗེ་ཡིས།། དྲག་སྔགས་ཡོངས་རྫོགས་གནམ་ཐོགས་བཤད།། ང་ནི་ཀུན་བཟང་རྡོ་རྗེ་འཆང་།། རྒྱལ་བ་ཀུན་གྱི་སྤྱི་གཟུགས་ཡིན།། སངས་རྒྱས་ཀུན་གྱི་རང་བཞིན་ཏེ།། ང་ནི་ཆེ་མཆོག་ཧེ་རུ་ཀ། སྲིད
58a6 གསུམ་གདུག་པ་ཡོངས་བསྒྲལ་ཕྱིར།། ཆེ་མཆོག་ཡོངས་རྫོགས་དྲག་སྔགས་འདིའོ།། ཨོཾ་ཤྲི་མ་ཧཱ་ས་མ་ཡ་བཛྲ་ཡཀྵ་ཧེ་ཧ་ཧཱུཾ་ཕཊ། ཨོཾ་བཛྲ་བི་ཤྭ་ཀྲོ་དྷ་ཛྭ་ལ་མཎྜ་ལ་ཧཱུཾ། མ་ཧཱ་སྲོག་ཤ་ལ་ཐུན་ཐུན་ཧ་ལ་ཧ་ལ་ཧཱུཾ་ཧཱུཾ་ཕཊ
iiif viewer powered by OpenSeadragon
