| e-texts navigator |
| Wylie |
55a1 བཞིན་དངས་ལ་རིག་པ་གཡེར།། སྔར་མ་མཐོང་བའི་དོན་མཐོང་རིག། ཆོས་ཉིད་མ་བསླད་རང་བཞིན་དྲངས།། གསལ་ལ་མ་འགགས་འཛིན་མེད་བདེ།། དེ་ལྟར་ངེས་རྟོགས་ལྟ་བ་སྟེ།། དེ་ལས་མི
55a2 ཡེངས་སྒོམ་པ་ཉིད།། དེ་ཉིད་མི་ཉམས་སྤྱོད་པ་ཡིན།། དེ་ཉིད་མཐར་ཕྱིན་འབྲས་བུའོ།། མཐའ་རུ་ཞེན་པ་བཟློག་པ་ཡང་།། ལྟ་བ་རྟོགས་པའི་ངང་ཤུགས་ལ།། ཆགས་པའི་བློ་མེད་འཁྲི་བ་ཆོད།། གཟུང་འཛིན་སེམས
55a3 བྲལ་མི་ཕོད་བརྫིས།། མངོན་ཞེན་ཀུན་བཟློག་ཡང་དག་དོན།། དེ་ལྟར་ཉམས་སུ་ལོན་པའི་ཚེ།། འདའ་ཀར་འབྲས་བུ་དོན་སྤྱོད་ཚུལ།། གོང་བསྟན་སྲོག་འཛིན་བྱང་སེམས་གཉིས།། མ་རིག་ལངས་ཟད་སྐྱེ་མེད
55a4 དང་།། རང་བྱུང་རང་ཤར་ཡེ་ཤེས་བསྟན།། སྤྲོས་བྲལ་འགག་མེད་འགྲོ་དོན་མཛད།། སྐུ་གསུམ་ལྷུན་གྲུབ་ངོ་མཚར་ཆེ།། ཞེས་བཀའ་སྩལ་ཏོ།། དཔལ་གསང་བ་འདུས་པ་རྒྱུད་ཀྱི་རྒྱལ་པོ་ལས། ཐིག་ལེ་འབར་འཛག
55a5 ཙཎྜ་ལཱིའི་གནད་ཡོངས་སུ་རྫོགས་པའི་ལེའུ་སྟེ་བཅུ་དྲུག་པའོ།། །། དེ་ནས་ཡང་འདུས་པའི་འཁོར་རྣམས་ཀྱིས་མགྲིན་གཅིག་ཏུ། སྟོན་པ་ཀུན་ཏུ་བཟང་པོ་དཔལ་ཆེ་མཆོག་ཧེ་རུ་ཀ་ལ་གསོལ་པ། ཀྱེ་ཀྱེ
55a6 ཀྱེ།། ཡེ་ཤེས་ལྔ་བདག་ཀུན་ཏུ་བཟང་།། ཁྱབ་བདག་ཆེན་པོ་ཧེ་རུ་ཀ། རིམ་ལྔ་གདན་གཅིག་ཡོངས་རྫོགས་དོན།། བདག་ཅག་རྣམས་ལ་བཀའ་སྩོལ་ཅིག། དེ་སྐད་གསོལ་པའི་དོན་དགོངས་ཏེ།། སྟོན་པ་ཉིད་ཀྱིས
iiif viewer powered by OpenSeadragon
