| e-texts navigator |
| Wylie |
52b1 འགྱུ་བྱེད་སྟོབས་ལྡན་རླུང་གནད་ཡོངས་རྫོགས་བསྟན་པའི་ལེའུ་སྟེ་བཅོ་ལྔ་པའོ།། །། དེ་ནས་འདུས་པའི་འཁོར་རྣམས་ཀྱིས།། མགྲིན་གཅིག་ཏུ་སྟོན་པ་ཀུན་ཏུ་བཟང་པོ་དཔལ་ཆེ་མཆོག་ཧེ་རུ་ཀ་ལ་གསོལ་པ།
52b2 ཀྱེ་ཀྱེ་ཀྱེ། ཐིག་ལེ་ཆེན་པོ་ཀུན་ཏུ་བཟང་།། བྱམས་ཆེན་རྒྱལ་པོ་ཧེ་རུ་ཀ། ཐིག་ལེ་བྱང་སེམས་གཏུམ་མོའི་གནད།། བདག་ཅག་རྣམས་ལ་བཀའ་སྩོལ་མཛོད།། དེ་སྐད་གསོལ་བའི་དོན་དགོངས་ནས།། སྟོན་པ་ཉིད
52b3 ཀྱིས་བཀའ་སྩལ་པ།། བྱང་སེམས་ཐིག་ལེའི་མན་ངག་གནད།། གསང་སྔགས་གྲོལ་ལམ་རྒྱུ་ཡིན་ཅིང་།། ཐབས་ལམ་ཀུན་གྱི་མཐར་ཟུག་ཡིན།། རྩ་གནས་ལུས་ལ་རབ་བརྟེན་པའི།། བྱང་སེམས་སྟོང་ཕྲག་བྱེ་བ
52b4 དང་།། ཕྱེད་དང་བཞི་བརྒྱ་ཡོད་ན་ཡང་།། བསྡུ་ན་དྭངས་སྙིགས་སྲོག་འཛིན་གསུམ།། དྭངས་མ་ལས་གྱུར་བྱང་སེམས་ནི།། བཟའ་བཏུང་བཅུད་ཟོས་དྲངས་འགྱུར་ཚུལ།། ཞག་བདུན་ལོན་ནས་ཆུ་སེར་འགྱུར།། བདུན
52b5 ཕྲག་ཤ་ལ་བདུན་ན་ཚིལ།། བདུན་ཕྲག་བཞིན་རྐང་མར་འགྱུར།། བདུན་ལྔ་ཆུངས་པ་བདུན་དྲུག་ཀླད།། དེ་ནས་བདུན་ན་བྱང་ཆུབ་སེམས།། ཐིག་ལེ་དཀར་པོ་ཉིད་དུ་འགྱུར།། བྱང་ཆུབ་སེམས་ཀྱི་སྙིགས་མ
52b6 ནི།། ངར་སྣབས་ལུད་པ་ལ་སོགས་ཡིན།། སྲོག་འཛིན་པ་ཡི་བྱང་སེམས་ནི།། སྙིང་དབུས་ཁྲག་གི་དྭངས་མ་སྟེ།། བྱིའུ་ལེན་མའི་སྒོང་ཚད་ཀྱི།། དཀྱིལ་ནང་འོད་ཀྱི་གོང་བུ་ནི།། སྲན་མའི་གའུ་ཁ་སྦྱར་ཚད།། དེ་དབུས
iiif viewer powered by OpenSeadragon
