| e-texts navigator |
| Wylie |
4b1 འདུས།། སྐལ་ལྡན་འཁོར་ལ་ལོངས་རྫོགས་བསྟན།། ཞེས་བཀའ་སྩལ་ཏོ།། དཔལ་གསང་བ་འདུས་པ་རྒུད་ཀྱི་རྒྱལ་པོ་ལས། གནང་བའི་སྐབས་ཕྱེ་བ་གླེང་བླང་བའི་ལེའུ་སྟེ་གཉིས་པའོ།། །། དེ་ནས
4b2 འདུས་པའི་འཁོར་རྣམས་ཐམས་ཅད་མགྲིན་གཅིག་ཏུ་སྟོན་པ་ཀུན་ཏུ་བཟང་པོ་དཔལ་ཆེ་མཆོག་ཧེ་རུ་ཀ་ལ་གསོལ་པ། ཀྱེ་ཀྱེ་ཐམས་ཅད་སྟོན་པ་ཀུན་ཏུ་བཟང་།། དཔལ་ཆེན་ཆེ་མཆོག་ཧེ་རུ་ཀ། རྒྱུད་དོན་བསྟན་པའི
4b3 རྣམ་གཞག་དེ།། བདག་ཅག་འཁོར་ལ་བཀའ་སྩོལ་ཅིག། དེ་སྐད་ཅེས་ནི་གསོལ་པ་དང་།། སྟོན་པ་ཉིད་ཀྱིས་བཀའ་སྩལ་པ།། ཀྱེ་ཧོ་འདུས་པའི་འཁོར་རྣམས་རྩེ་གཅིག་ཉོན།། རྒྱུད་དོན་བསྟན་པའི་རྣམ་གཞག
4b4 བཤད།། ཐོག་མར་ཀུན་གཞི་བཅོས་བསླད་མེད།། ཅིར་ཡང་རྒྱ་ཆད་ཕྱོགས་ལྷུང་བྲལ།། སྟོང་ཁྱབ་ནམ་མཁའ་ལྟ་བུ་ལ།། རང་རྩལ་འགྱུ་བྱེད་རླུང་གིས་གཡོས།། མ་རིག་རྟོག་པའི་གཟུང་འཛིན་གྱིས།། ནན་གྱིས
4b5 མཁའ་ལ་མདུད་པ་བོར།། རྩལ་ལ་རང་དབང་མ་ཐོབ་པས།། འགྲུས་དྲན་ཟིན་དང་ཆགས་དབང་གིས།། ཁམས་གསུམ་འཁོར་ཅིང་རྒྱུད་དྲུག་འཁྱམས།། མ་རྟོགས་ལོག་པར་རྟོགས་པ་ལས།། རྩལ་ལ་དབང་ཐོབ་ཀུན
4b6 བཟང་གིས།། གྲོལ་ཐབས་ཐེག་པ་སྣ་ཚོགས་བསྟན།། བསྟན་ཐེག་པ་རིམ་དགུ་སྟེ།། ཉན་ཐོས་རང་རྒྱལ་བྱང་སེམས་གསུམ།། གང་ཟག་དབང་པོ་དམན་ལ་དགོངས།། ཀྲི་ཡ་ཡོ་ག་ཡུ་བ་གསུམ།། གང་ཟག་དབང་པོ
iiif viewer powered by OpenSeadragon
