| e-texts navigator |
| Wylie |
4a1 པོའོ།། །། དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོ་ཆེ་མཆོག་ཧེ་རུ་ཀ་ལ། འཁོར་རིགས་བཞིའི་ཧེ་རུ་ཀ་ལ་སོགས་པ་ཁྲོ་བོ་དང་ཁྲོ་མོ་རྣམས་དང་། གསང་བའི་བདག་པོ་རྡོ་རྗེ་ཆོས
4a2 ཀྱིས་ཕྱག་དང་བསྐོར་བ་མཛད་དེ། མགྲིན་གཅིག་ཏུ་འདི་སྐད་བསྟོད་དེ་ཞུས་པ། ཨེ་མ་ཧོ།། ཆོས་དབྱིངས་སྤྲོས་བྲལ་ནམ་མཁའི་ཐུགས་ཀློང་ནས།། བྱམས་པའི་སྤྲིན་འཕེལ་ཞི་དང་ཁྲོ་གར་མཛད།། ཕྲིན་ལས་ཡོངས
4a3 རྫོགས་ཆར་གྱིས་འགྲོ་བ་འདུལ།། ཕྱག་འཚལ་སངས་རྒྱས་ཀུན་གྱི་ཡང་རྗེ་ལའོ།། ཨེ་མ་གསང་བདག་དཔལ་ཆེན་ཧེ་རུ་ཀ། འགྲོ་བའི་དུག་གཞོམ་ཡང་དག་ལམ་གཟུད་ཕྱིར།། བདེ་གཤེགས་ཡོངས་རྫོགས་དཔལ
4a4 ཆེན་ཐུགས་གསང་བ། ཀུན་འདུས་ཤིན་ཏུ་རྣལ་འབྱོར་རྒྱུད་ཆེན་སྩོལ།། ཞེས་བསྟོད་དེ་གླུས་བསྐུལ་ཅིང་གསོལ་བ་བཏབ་པ་ལས་ཡབ་ཀྱི་དཔལ་ཆེན་ཆེ་མཆོག་ཧེ་རུ་ཀས།། རྡོ་རྗེའི་གད་རྒྱངས་བསྒྲགས་ཏེ་སྩོལ་པ།
4a5 ཀྱེ་ཧོ།། ཉོན་ཅིག་སྲས་མཆོག་རིགས་འདུས་ཧེ་རུ་ཀ། ཡབ་ཡུམ་འཁོར་བཅས་ལེགས་པར་ཉོན།། མུན་ལ་ཉི་བཞིན་དུག་སེལ་བ།། གསང་བ་འདུས་པའི་རྒྱུད་ཆེན་བཤད།། མདོར་ན་ཆོས་སྒོ་བསམ་ཡས་ཀུན།། འདི
4a6 རུ་འདུས་ཕྱིར་དངོས་པོ་བཅུ།། བསྟན་རིམ་ཐེག་པའི་རྣམ་གཞག་དང་།། ལྷ་སྒོམ་སྤྱོད་པ་འབྲས་བུ་དང་།། བསྙེན་དང་བསྒྲུབ་པ་ཆེན་པོ་དང་།། དབང་བསྐུར་དམ་ཚིག་མཐའ་རྒྱས་སུ།། རྒྱུད་རྣམས་ཀུན་གྱི་གསང་བ
iiif viewer powered by OpenSeadragon
