| e-texts navigator |
| Wylie |
41b1 གཟུང་འཛིན་འདས།། སྐྱེ་མེད་གཉེན་པོས་མི་ཤིགས་དམ།། མུ་སྟེགས་བདག་ཏུ་འཛིན་པ་ཚིག། སྔ་རབས་འདས་པའི་སངས་རྒྱས་ཀྱང་།། དམ་ཚིག་དག་ལ་བརྟེན་ཏེ་རྒྱས།། ད་ལྟར་བཞུགས་པའི་སངས་རྒྱས
41b2 ཀྱང་།། དམ་ཚིག་འདི་ལ་རབ་ཏུ་གནས།། སླད་ཀྱིས་འབྱོན་པའི་སངས་རྒྱས་ཀྱང་།། དམ་ཚིག་དག་ལ་བརྟེན་ནས་རྒྱ།། ཞེས་བཀའ་སྩལ་ཏོ།། དཔལ་གསང་བ་འདུས་པ་རྒྱུད་ཀྱི་རྒྱལ་པོ་ལས། དམ་ཚིག་དག་ལ
41b3 བརྟེན་པའི་ལེའུ་སྟེ་བཅུ་གཉིས་པའོ།། །། དེ་ནས་ཡང་འདུས་པའི་འཁོར་རྣམས་ཀྱིས་མགྲིན་གཅིག་ཏུ་སྟོན་པ་ཀུན་ཏུ་བཟང་པོ་དཔལ་ཆེ་མཆོག་ཧེ་རུ་ཀ་ལ་གསོལ་པ། ཀྱེ་ཀྱེ་ཀྱེ། སྤྲུལ་པའི་སྐུ་མཆོག་ཀུན་ཏུ
41b4 བཟང་།། སྐྱེ་མེད་ཆོས་ཏེ་སྣ་ཚོགས་སྟོན།། རྒྱུད་དོན་མཐའ་རྒྱས་ཡིད་བཞིན་གཏེར།། བདག་ཅག་རྣམས་ལ་བཀའ་སྩོལ་ཅིག། དེ་སྐད་གསོལ་པའི་དོན་དགོངས་ཏེ།། སྟོན་པ་ཉིད་ཀྱིས་བཀའ་སྩལ་པ།། རྒྱུད་དོན
41b5 མཐའ་རྒྱས་ཆ་དང་རྐྱེན།། མན་ངག་ལ་སོགས་བསམ་ཡས་ཀྱང་།། དགོས་པ་མདོ་ཙམ་བཤད་པར་བྱ།། ཇི་ལྟར་འདོད་པའི་དོན་རྗོད་ཅིག། དེ་སྐད་རྗེས་སུ་གནང་བ་དང་།། གསང་བའི་བདག་པོ་རྡོ་རྗེ་ཆོས།། དགའ
41b6 ཞིང་མགུ་ནས་ཐལ་མོ་སྦྱར།། ཀྱེ་ཧོ་དཔལ་ཆེན་ཡིད་བཞིན་མཛོད།། བདེ་གཤེགས་ཞི་ཁྲོ་ཡོངས་རྫོགས་པའི།། གསང་བ་འདུས་པའི་རྒྱུད་མཆོག་གི། ཉམས་ལེན་མདོར་བསྡུས་བཀའ་སྩོལ་ཅིག། དེ་སྐད་གསོལ་པའི
iiif viewer powered by OpenSeadragon
