| e-texts navigator |
| Wylie |
41a1 སྐྱེ་བོའི་ཡ་གར་འགྱུར།། ཕྲིན་ལས་མཛད་སྤྱོད་ཀུན་ཀྱང་གསང་།། དེ་མ་གསང་ན་རས་པར་ཡང་ཆོད་འགྱུར།། རྒྱུད་དང་སྒྲུབ་ཐབས་མན་ངག་གསང་།། མ་གསང་མཁའ་འགྲོའི་བཀའ་ཆད་འོང་།། མདོར
41a2 ན་གསང་བ་འོས་རིགས་གསང་།། དེ་མ་གསང་ན་ལྐུགས་པར་འགྱུར།། ཆེད་དུ་གཉེར་གཏད་མན་ངག་གསང་།། མ་གསང་ཉམས་པ་ཆེན་པོར་འགྱུར།། སྐུ་གསུང་ཐུགས་ཀྱི་དམ་ཚིག་ནི།། ཉམས་ན་བསྐལ་པ་གཅིག
41a3 གཉིས་གསུམ།། རྡོ་རྗེ་དམྱལ་བར་གདོན་མི་ཟ།། ཤེས་བྱ་ལྔ་དང་སྤྱད་བྱ་ལྔ།། མི་སྤང་ལྔ་དང་བསྒྲུབ་བྱ་ལྔ།། དང་ལེན་ལྔ་ནི་ཡན་ལག་སྟེ། ཉམས་ན་མནར་མེད་དམྱལ་བར་འགྲོ།། གཞན་ཡང་ཁྱད་པར་དམ་ཚིག
41a4 དང་།། བླ་མ་བཀུར་ཞིང་གསུང་མི་བཅག། ཐུན་བཞིའི་རྣལ་འབྱོར་ཡེངས་མི་བྱ།། ལྷ་དང་སྔགས་ལ་ཐེ་ཚོམ་སྤངས།། མཆེད་ལྕམ་ཀུན་ལ་གདུང་སེམས་བསྐྱེད།། སེམས་ཅན་ཀུན་ལ་སྙིང་རྗེས་བསྐྱང་།། ང་རྒྱལ་རློམ
41a5 སེམས་ཞེ་སྡང་དང་།། འདོད་ཆགས་ཕྲག་དོག་ཁར་མི་བཏང་།། གསང་སྔགས་ལྷ་སྤྱོད་ཟུང་དུ་སྦྲེལ།། བསྐྱེད་རྫོགས་བསྙེན་བསྒྲུབ་མཐའ་རུ་དབྱུང་།། ལེ་ལོ་གཉིད་དང་ཆང་དབང་སྤང་།། ཡང་དག་དོན་གྱི་དམ་ཚིག
41a6 ཏུ།། འཁོར་འདས་ཆོས་རྣམས་རང་རིག་སེམས།། གདོད་ནས་རང་བྱུང་ཆོས་སྐུའི་ངང་།། དེ་ཉིད་ཡེ་ནས་བསྲུང་ཉམས་ནི།། མི་བསྲུང་བློ་ཡིས་དོར་དུ་མེད།། ཉམས་སྐྱོན་ཐོབ་བྱའི་འབྲས་བུ་མེད།། མ་སྤངས་མི་གནས
iiif viewer powered by OpenSeadragon
