| e-texts navigator |
| Wylie |
40a1 བཞིན།། ཟག་དང་འཕང་ནི་ལྟ་བས་བཅད།། སྤྱོད་པ་མི་ཤ་རློན་པ་བཞིན།། ལ་ནི་སྤྱོད་པས་དོར་བར་བྱ།། ཟུང་དུ་འབྲེལ་ལ་གོལ་ས་མེད།། ཚིག་ཏུ་རྟོག་ལ་མ་བརྟེན་པར།། སྐུ་གསུམ་དོན་པོ་གཅིག་ཏུ
40a2 དྲིལ།། མཐའ་དྲུག་རྒྱུད་ལ་རྫོགས་པར་གྱིས།། མཐར་ཟུག་དོན་དམ་ནང་ནས་འཆར།། ནམ་མཁའ་ལ་ནི་ནམ་མཁའ་བཞིན།། ཐམས་ཅད་སྟོང་པའི་ངང་ལ་གནས།། ཧོཿདེ་ལྟར་དབང་རྣམས་ཡོངས་རྫོགས
40a3 པར།། བསྐུར་བའི་ཡོན་ཏན་བསམ་མི་ཁྱབ།། གསང་སྔགས་དངོས་གྲུབ་དབང་ལས་འབྱུང་།། ཐོབ་རྟགས་མཁའ་འགྲོས་ལུང་བསྟན་ཅིང་།། ལྟས་སུ་ཡིད་བཞིན་གཙུག་ན་འཆང་།། མགོ་ལ་ཉི་ཤར་དམག་དཔོན
40a4 བྱེད།། མགོ་དང་རོ་སྟོད་ཡང་ལ་བདེ།། བུམ་བཅུད་འཐུང་དང་ཟས་བཅུད་ཟོས།། རང་རིག་རྩལ་ལ་དབང་བསྒྱུར་ནུས།། དབང་མ་ཐོབ་པའི་ཉེས་པ་ནི།། ཤེས་རབ་གསུམ་རློམ་ལས་བསོག་ཀྱང་།། འབྲས་བུ་མེད
40a5 ཅིང་རླག་པར་བྱེད།། དབང་ཡོན་མ་ཕུལ་ཤིན་ཏུ་ཉམས།། དེ་ནས་དབང་ཡོན་དབུལ་བ་ནི།། བྱིན་རློབས་དབང་གི་བླ་མ་ལ།། རྒྱལ་སྲིད་ཡུལ་འཁོར་རང་གི་ལུས།། བུ་དང་ཆུང་མ་ནོར་དབྱིག་དབུལ།། ཞེས་བཀའ
40a6 སྩལ་ཏོ།། དཔལ་གསང་བ་འདུས་པ་རྒྱུད་ཀྱི་རྒྱལ་པོ་ལས། གསང་བ་ཡོངས་རྫོགས་ཀྱི་དབང་བསྐུར་བའི་ལེའུ་སྟེ་བཅུ་གཅིག་པའོ།། །། དེ་ནས་ཡང་འདུས་པའི་འཁོར་རྣམས་མགྲིན་གཅིག་ཏུ། སྟོན་པ་ཀུན
iiif viewer powered by OpenSeadragon
