| e-texts navigator |
| Wylie |
3b1 གདན་དང་བཅས་པ་ལ། འཁོར་འདས་ཀྱི་ཆོས་ཐམས་ཅད་ཡོངས་སུ་རྫོགས་པའི་ངང་ལས་ཡབ་ཡུམ་སྦྱོར་བ་མཛད་པའི་བྱང་ཆུབ་སེམས་ཀྱི་སྤྲིན་ལས། སྦྲུལ་སྐུའི་ཁྲོ་བོ་འཆོལ་པ་ཕྱོགས་བཅུར་འཕྲོས། ལྷ་ཆེན་པོ་ལ
3b2 སོགས་དྲེགས་པ་ཅན་ཐམས་ཅད་བཏུལ་ཚར་བཅད་དེ། ཕྱོགས་མཚམས་བརྒྱད་དུ་བཏིང་བ་ལས། སྤྲུལ་པ་སྐུའི་དཀྱིལ་འཁོར་བཀོད་དེ། ཤར་དུ་བཛྲ་ཧེ་རུ་ཀ་ཐུགས་ལས་སྤྲུལ་ཏེ་བཞུགས། ལྷོར་གཤིན་རྗེ་གཤེད་པོ
3b3 སྐུ་ལས་སྤྲུལ་ཏེ་བཞུགས། ནུབ་ཏུ་རྟ་མགྲིན་དབང་ཆེན་གསུང་ལས་སྤྲུལ་ཏེ་བཞུགས། བྱང་དུ་རྡོ་རྗེ་གཞོན་ནུ་ཕྲིན་ལས་ལས་སྤྲུལ་ཏེ་བཞུགས། ཤར་ལྷོར་གཟི་བརྗིད་ལས་སྤྲུལ་བླ་མེད་ཧེ་རུ་ཀ་བཞུགས། ནུབ་བྱང་དུ
3b4 འཇིགས་བྱེད་ལས་སྦྲུལ་དཔལ་དྲེགས་པ་ཀུན་འདུལ་བཞུགས། བྱང་ཤར་དུ་སྟོབས་ལས་སྤྲུལ་པ་སྟོབས་ལྡན་ནག་པོ་བཞུགས།། ལྷོ་ནུབ་ཏུ་རིགས་པ་ལས་སྤྲུལ་པའི་སྐུ། རིག་འཛིན་རྡོ་རྗེ་ཆོས་བཞུགས་སུ
3b5 གསོལ།། དེ་དག་ལ་ཡང་སོ་སོའི་སྤྲུལ་པ་ཡང་སྦྲུལ་སུམ་སྦྲུལ་ཁྲོ་བོ་དང་། ཁྲོ་མོ་དང་བཅས་ཏེ། ཕོ་བྲང་དགུ་ལ་གར་དགུ་དང་ལྡན་པས་ཁམས་གསུམ་འཇིགས་བྱེད་དཔལ་གྱི་ཆས་ཡོངས་སུ་རྫོགས་པར་ཡབ་ཡུམ་གྱི
3b6 མཁའ་གསང་ལས་སྤྲུལ་ཏེ། ཉིད་ལས་མི་གཞན་པའི་འཁོར་ཡེ་ཤེས་རང་སྣང་གི་ལྷ་ཚོགས་དང་བཅས་པ་རྣམས་དང་ལྷན་ཅིག་ཏུ་འཁོད་དོ།། དཔལ་གསང་བ་འདུས་པ་རྒྱུད་ཀྱི་རྒྱལ་པོ་ལས། གླེང་གཞིའི་ལེའུ་སྟེ་དང
iiif viewer powered by OpenSeadragon
