| e-texts navigator |
| Wylie |
39b1 ཤེས་རབ་ཡུམ།། རང་བཞིན་དེ་ལྟར་ཤེས་པས་ན།། མ་བསྲུངས་མ་བསྒྲུབས་རང་ལྷར་གནས།། རང་བྱུང་གནས་འགྱུར་རྫོགས་རིམ་ཡིན།། རང་བྱུང་ལྷུན་རྫོགས་རྫོགས་ཆེན་ནི།། སངས་རྒྱས་ཐབས་མཁས་ཐུགས་རྗེ
39b2 ཡིས།། ཐེག་སྒོ་བསམ་མི་ཁྱབ་གསུངས་ཀྱང་།། ཐམས་ཅད་བློ་ཡི་འབྲིང་ཐབས་ཡིན།། ཆོས་རྣམས་ཐམས་ཅད་སེམས་སུ་རྫོགས།། ཆོས་ཀུན་བདེན་པ་དབྱེར་མེད་པས།། ཐམས་ཅད་ཡིན་ལ་གང་ཡང་མིན།། སངས
39b3 རྒྱས་མཐར་ཐུག་ཆོས་ཀྱི་སྐུ།། ཀུན་ལ་རྫོགས་ཏེ་ངོ་མ་ཤེས།། ཧོཿའཁོར་བ་དང་ནི་མྱ་ངན་འདས།། འཁྲུལ་སྣང་འཛིན་པ་གཉིས་སུ་བྱུང་།། ཡང་དག་དོན་ལ་དབྱེ་བ་མེད།། གཉིས་ཀ་རང་གི་སེམས་ལ
39b4 རྫོགས།། ཧོཿཆོས་སུ་འཛིན་པ་ཐམས་ཅད་ནི།། སྤྲོས་པ་བློ་ཡི་ཆོས་ཡིན་ཕྱིར།། སྐུ་གསུམ་རང་ཡང་གྲངས་སུ་ཟད།། འདུས་བྱས་ཆོས་ཀྱིས་སངས་མི་རྒྱ།། ཧོཿསངས་རྒྱས་ཆོས་སུ་འཛིན་པ་ནི།། མཐར་ཟུག་འཁྲུལ་བློ
39b5 ཆེན་པོ་ཡིན།། སངས་ནི་ཆོས་མིན་གཅིག་གིས་རྒྱ།། བློ་ལས་འདས་པ་རྫོགས་ཆེན་ཡིན།། ཧོཿརྒྱས་བསྡུས་རིམ་པར་རང་ལུས་བཞིན།། རིམ་པ་དབང་གིས་བགྲོད་པར་བྱ།། ས་མ་ཡ་ནི་ཤེལ་གོང་ལྟར།། གཞི་ནི་དམ
39b6 ཚིག་གཙང་མས་བཟུང་།། ཏིང་འཛིན་ལུས་དང་གྲིབ་མ་ལྟར།། ཉམས་སུ་ཏིང་ངེ་འཛིན་གྱིས་ལོང་།། མན་ངག་གར་ཆང་འཐུང་བ་ལྟར།། དོན་ནི་མན་ངག་ཟབ་མོས་བསྒྲུབ།། ལྟ་བ་ནམ་མཁའི་མདུང་སྐོར
iiif viewer powered by OpenSeadragon
