| e-texts navigator |
| Wylie |
345b1 འོད་ཟེར་དབྱིངས་སུ་འཆར།། དཔའ་བརྟུལ་མྱུར་བའི་ཤུགས་ཀྱིས་དྲེགས་པ་སྒྲོལ།། བདུད་འདུལ་དཔའ་བོ་ཁྱོད་ལ་ཕྱག་འཚལ་བསྟོད།། རིན་ཆེན་གཏེར་ལྟར་འདོད་པ་ཀུན་སྐོང་ཞིང་།། བདེ་གཤེགས་ལུང་དང
345b2 གཏན་ཚིགས་ཀུན་གྱི་མཛོད།། འཇིགས་བྱེད་རྒྱལ་པོ་ཟླ་གསང་ནག་པོའི་རྒྱུད།། དྲེགས་པ་ཚར་གཅོད་རྒྱུད་ལ་བདག་ཅག་འདུད། ཞེས་བསྟོད་ནས་ཆོས་ཐམས་ཅད་དགོངས་པའི་ཆོས་ཉིད་དུ་གྱུར་ཏོ།། དྲག་པོའི་རྒྱུད
345b3 འདི་སྦ་བའི་ཐབས་སུ་གསུངས་པ་ནི།། ཤོག་དྲིལ་དར་ཟབ་མེན་གྱིས་དྲིལ།། དེ་ནས་གཙང་མའི་རས་དག་གིས།། རབ་ཏུ་བསམ་ཞིང་གྲིལ་བར་བྱ།། དེ་ནས་ལྕགས་བསམ་ཤིང་དག་གི།། སྒྲོམ་བུའི་ནང་དུ་དེ
345b4 བཅུག་ལ།། གཙང་རྡོ་མཉེན་འཇམ་ཕ་ཝང་ལ།། གུས་ཏྲས་དེ་ཕྲུ་སྒྲོམ་བུ་དེ་ནང་བཞུགས།། རྒྱ་མཚོའི་གཏིང་དུ་སྦ་བར་བྱ།། ཡང་ན་སྒྲོམ་བུ་དེ་ཉིད་ལ།། རྒྱུས་པའི་འཇོག་གིས་རབ་བསྡམས་ཏེ།། བྲག་དམར་བྲག
345b5 ཕུག་དགོན་པར་སྦ། ལས་འཕྲོ་ཅན་དང་འཕྲད་པར་ངེས།། ཞེས་གསུངས་སོ།། ཕན་གདོན་ཐབས་ཀྱི་ལུང་གི་སྤྱི།། སངས་རྒྱས་ཐམས་ཅད་ཀྱི་ཐུགས། ཞེ་སྡང་གི་བཅུད་ཕྱུང་བ། བསྟན་པ་བསྲུང་བའི་མན་ངག་ཐམས
345b6 ཅད་ཀྱི་རྩ་བའོ།། དཔལ་གཤིན་རྗེ་ཟླ་གསང་ནག་པོ་རྩ་བའི་རྒྱུད་ཆེན་པོ་ལས། འཁོར་གྱི་ཕུན་སུམ་ཚོགས་པའི་དོན་ལ་བསྟོད་པ་དང་། མན་ངག་སྦས་པའི་ཐབས་བསྟན་པའི་ལེའུ་སྟེ་དོན་བཞི་པའོ།། །
iiif viewer powered by OpenSeadragon
