| e-texts navigator |
| Wylie |
345a1 འཇུག་ཏུ་མི་ནུབ་པར་བསྟན་པ་རྒྱས་པ་དང་བསྲུང་བའི་ཕྱིར། གཏད་པ་དམ་པ་འདི་གསུངས་སོ།། རྒྱུད་ཀྱི་རྒྱལ་པོ་དཔལ་གཤིན་རྗེ་ཟླ་གསང་ནག་པོ་འདི། དུས་ཕྱི་མ་ལ་རྣལ་འབྱོར་པ་གང་ཞིག་སྒྲུབ
345a2 པའི་ལས་བྱེད་ན། ང་ཡང་དམ་ཚིག་ལས་མི་འདའ་ལ། འཁོར་ཁྲོ་བོ་དང་། ཁྲོ་མོ་དང་། གིང་དང་བདུད་དང་། མ་མོ་ལ་སོགས་པས་ཀྱང་། ངའི་དམ་ཚིག་རྗེས་སུ་བསྒྲུབ་པར་འཚལ་བས། དུས་ཐ་མ་གསང་སྔགས་ཀྱི
345a3 ཆོས་འདི། རྣལ་འབྱོར་པའི་སྐུ་ལ་བསྔོ་བ་རྣམས་བསྒྲལ་བ་ལ། དམ་ཚིག་དབང་གིས་གྲོགས་བྱ་བར།། ཞལ་གྱིས་བཞེས་སོ།། དེ་ནས་བཅོམ་ལྡན་འདས་གཤིན་རྗེ་གཤེད་པོས། གསང་བའི་བདག་པོ་ཕྱག་ན་རྡོ་རྗེ
345a4 དང་། ཕྱོགས་སྐྱོང་གཤིན་རྗེ་ཡབ་ཡུམ་དང་བདུད་བཙན་དང་། གིང་དང་། ལྷ་དང་། སྨན་དང་། གཟའ་དང་། ཀླུ་དང་། གནོད་སྦྱིན་དང་། མ་མོ་ལ་སོགས་པ་འདུས་པའི་ཚོགས་རྣམས་ཀྱིས། རྒྱུད་ཀྱི་རྒྱལ་པོ་དཔལ
345a5 ཟླ་གསང་ནག་པོ་འདི། བསྟན་པ་ཐམས་ཅད་སྲུང་བའི་མེ་ལོང་ཡིན་པར་རིག་གནས། ཤིན་ཏུ་རྔམས་ཤིང་ངོ་མཚར་སྐྱེས་ནས་བསྟོད་པ། ཨེ་མ་ཧོ།། ཉེས་བཅོམ་ལེགས་ལྡན་མཚན་ཞིའི་མཐའ་ལས་འདས།། བདུད
345a6 དང་གཤིན་རྗེ་ལ་སོགས་ཀུན་གྱི་གཤེད།། རཱ་ཏྲ་གདུག་པའི་ཚོགས་རྣམས་ཀུན་འདུལ་བ། ཐུགས་རྗེས་སྒྲོལ་མཛད་ཁྱོད་ལ་ཕྱག་འཚལ་བསྟོད།། ཤེས་རབ་ཆེན་པོ་ནམ་མཁའི་ཉི་མར་གསལ།། བྱང་ཆུབ་སེམས་ཀྱི
iiif viewer powered by OpenSeadragon
