| e-texts navigator |
| Wylie |
343a1 སོ།། དཔལ་གཤིན་རྗེ་ཟླ་གསང་ནག་པོ་རྩ་བའི་རྒྱུད་ལས། སྲོག་གཅོད་སྒྲ་གྲི་གནོད་སྦྱིན་གྱི་ཟླ་གསང་། གང་བ་བཟང་པོ་ཕྱི་ལྟར་བསྒྲུབ་པའི་ལེའུ་སྟེ་དོན་གཅིག་པའོ།། །། དེ་ནས་ཡང་བཅོམ
343a2 ལྡན་འདས་གཤིན་རྗེའི་གཤེད་པོས། གང་བ་བཟང་པོ་ནང་དུ་བསྒྲུབ་པ་འདི་གསུངས་སོ།། དཀྱིལ་འཁོར་མཐིང་ནག་གྲུ་གསུམ་ལ།། ཟླ་གམ་གསུམ་གྱིས་བསྐོར་བ་བྲིས། དམར་སྨུག་མེ་རིའི་ར་བས་བསྐོར།། དབུས
343a3 སུ་གཤེད་པོ་ཡབ་ཡུམ་སྟེ།། མདུན་དུ་གང་བ་བཟང་པོ་དགོད།། མཚན་ལྡན་ཐོད་པ་དུམ་གསུམ་དུ།། ལ་ཕུག་རུས་པའི་ཕྱེ་མ་ལ།། སྙིང་སྣ་ཁྲག་སྣ་སྦྱར་ལ་བཞག། དབུས་ཀྱི་གྲུ་གསུམ་ཐུར་དུ་བརྐོ། ནང་དུ་རབས
343a4 ཆད་ཐོད་པ་ལ།། ཉུང་ནག་མཚེ་དང་ལན་ཚྭ་དང་།། དུག་དང་དམེ་ཁྲག་སྦྱར་བས་དགང་། དམིགས་པའི་མིང་རུས་ཇི་བཞིན་དབྱིབས།། བཅས་ལ་ཟོད་པའི་ནང་དུ་བསྩལ།། དུར་ཁྲོད་གྲོང་ཁྱེར་བཅོམ་ནས་ཀྱང་།
343a5 མཚན་མའི་རས་བླངས་བརྐྱང་བཏུལ་བྱ།། ལྡོང་རོས་ཆུ་རྩ་སེར་པོས་བྱུག། དུག་ཁྲག་སྦྱར་བས་འཁོར་ལོ་བྲི།། དེ་བཞིན་ཡི་གེ་བཀོད་བྱས་ལ།། ཕུད་ཀྱི་ཐོད་པ་ཁ་ཡང་བཅད།། དེ་ནས་རིམ་པས་ལས་རྣམས་བྱ།། ཧཱུཾ
343a6 གསང་བ་དམ་པ་ཐུགས་ཀྱི་དཀྱིལ་འཁོར་འདིར།། སྒྲུབ་པའི་གནོད་སྦྱིན་ཆེན་པོ་སྤྱན་འདྲེན་ན།། བྱེ་བ་ས་ཡའི་གཙོ་འཁོར་དང་བཅས་ཏེ།། སངས་རྒྱས་བསྟན་པ་བསྲུང་ཕྱིར་གཤེགས་སུ་གསོལ།། ཨེ་ཧྱེ་ཧི་རཀྑ་བན
iiif viewer powered by OpenSeadragon
