| e-texts navigator |
| Wylie |
342b1 བག་ལ་གེལ་གེལ་པོ། སྐུ་མདོག་སྔོན་པོ་གཟི་ལྡན་པ།། དབུ་སྒྲ་སྲུང་ལོ་རིན་ཆེན་བརྒྱན།། ཨུཏྤལ་སྔོན་པོའི་ཕྲེང་བ་འཛིན།། གཡས་ན་ཤིང་ཐོག་དམར་པོ་བསྣམས།། གཡོན་ན་མི་ལྤགས་རྒྱལ་མཚན
342b2 བསྣམས།། གཟས་པའི་གཟུགས་བཅས་སྙིང་གར་གཞུག། དེ་ཡི་དབུས་སུ་དོང་གྲུ་གསུམ།། རྩེ་མོ་བྱང་དུ་བལྟས་པ་ལ།། ནང་དུ་ཁྲག་དང་སོལ་བས་བྱུག། ཏིལ་གྱི་ཕྱེ་མར་དགྲ་བོའི་གཟུགས།། མི་ཁྲག་བླ་དགས
342b3 བྲིས་ལ་བཞག། ཞབས་མས་གྲིལ་ལ་ཚོན་སྐུད་བཅིངས།། གྲུ་གསུམ་བྲུས་པའི་ནང་དུ་གཞུག། ཐ་མར་རྩང་གི་བསྐོར་ཏེ་བཞག། གཟུགས་ཀྱི་སྐེ་ནས་སྔོ་དམར་གདགས།། སྣ་གཅིག་སྐུ་ཡི་ཞབས་ལ
342b4 གདགས།། སྔགས་པས་སྔོན་དུ་དམ་རྫས་དགྲམ།། ལ་ཕུག་རུས་ཕྱེ་སྐྱེ་ཚེ་ལ། དེ་བཞིན་གཏོར་མ་བྱས་ཏེ་བཞག། ཉུང་དཀར་ལན་ཚྭ་དུག་ཅུ་སྦྱར།། གཟུགས་ལ་བྲབ་ཅིང་ལས་སྔགས་བཟླས།། མ་ཉེས་དཔང་གཟུག
342b5 འོདོད་འབོད།། དེ་བཞིན་རིམ་པས་ལས་རྣམས་བྱ།། དུར་ཁྲོད་རས་ལ་འཁོར་ལོ་བྲི།། དུག་ཁྲག་སྦྱར་མས་བྲི་བར་བྱ།། རིམ་པ་བཞིན་དུ་དྲག་སྔགས་དགོད།། སྤྱན་དྲང་བཞུགས་གསོལ་མཆོད་གཏོར་བྱ།། ཕྲིན་ལས
342b6 བཅོལ་ཞིང་གནད་རྣམས་བསྐུལ།། ལྷ་དང་དཔྲལ་ཞིང་རྫས་ཀྱིས་བདུག། དྲག་སྔགས་བཟླས་ཤིང་འཁོར་ལོར་གཞུག། བསད་པ་ལས་ཀྱི་སྦྱོར་ལ་འཇུག། མནན་སྲེག་འཕངས་པ་གསུམ་ལ་གཏད།། ཅེས་གསུངས
iiif viewer powered by OpenSeadragon
