| e-texts navigator |
| Wylie |
33b1 གསུམ་གྱིས་གོལ་ས་སྦྱང་།། སྒོ་གསུམ་རྟགས་ལ་སྦྱར་ཅིང་བསྒྲུབ།། ཕྲིན་ལས་རིག་པའི་ཁ་བསྒྱུར་བྱ།། འབྲས་བུ་བདེར་འདུས་ཕྱག་རྒྱ་ཆེ།། སྐུ་གསུམ་ལྷུན་གྲུབ་དང་དུ་གྲོལ།། ཕྱོགས་བཅུ་དུས་བཞིའི་རྒྱལ་བ
33b2 དང་།། ཞི་ཁྲོ་བཀའ་བརྒྱད་ལྷ་ཚོགས་རྣམས།། ཆེ་མཆོག་དཔལ་གྱི་སྐུ་རུ་འདུས།། ཆེ་མཆོག་ཧེ་རུ་ཀའི་ངོ་བོ།། མ་ནོར་མ་བཅོས་ཆོས་ཀྱི་དབྱིངས།། ཆོས་སྐུ་ཐིག་ལེ་ཉག་གཅིག་ཡིན།། ཞེས་བཀའ་སྩལ་ཏོ།། དཔལ
33b3 གསང་བ་འདུས་པ་རྒྱུད་ཀྱི་རྒྱལ་པོ་ལས།། བསྐྱེད་རྫོགས་ཡང་དྲིལ་གྱི་སྒྲུབ་ཐབས་བསྟན་པའི་ལེའུ་སྟེ་བཅུ་པའོ།། །། དེ་ནས་འདུས་པའི་འཁོར་རྣསམ་ཀྱིས་མགྲིན་གཅིག་ཏུ། སྟོན་པ་ཀུན་ཏུ་བཟང་པོ
33b4 དཔལ་ཆེ་མཆོག་ཧེ་རུ་ཀ་ལ་གསོལ་པ། ཀྱེ་ཀྱེ་ཀྱེ། ཆོས་ཀྱི་དབང་ཕྱུག་ཀུན་ཏུ་བཟང་།། དབང་ཆེན་ཆེ་མཆོག་ཧེ་རུ་ཀ། རྒྱུད་དོན་དབང་བསྐུར་རིམ་པ་དག། བདག་ཅག་འཁོར་ལ་བཀའ་སྩོལ་ཅིག། དེ་སྐད་གསོལ
33b5 པའི་དོན་དགོངས་ནས།། སྟོན་པ་ཉིད་ཀྱིས་བཀའ་སྩལ་པ།། འདུས་པའི་འཁོར་ཚོགས་རྩེ་གཅིག་ཉོན།། རྒྱུད་དོན་དབང་བསྐུར་རིམ་པ་ལ།། ལྔ་སྟེ་ངོ་བོ་ངེས་ཚིག་དང་།། དབྱེ་བ་སྐུར་ཐབས་དགོས་ཆེད་དོ།། ངོ་བོ
33b6 རང་རིག་དབང་ཚུགས་ཐུབ།། ངེས་ཚིག་སེམས་ཉིད་རྩལ་དབང་བསྐུར།། དབྱེ་ན་ཁྱད་པར་ཐུན་མོང་སྟེ།། ཁྱད་པར་ཕྱི་ནང་གསང་དབང་གསུམ།། ཐུན་མོང་ཕན་དང་ནུས་དབང་ཡིན།། དབང་ཆེན་སྐུར་ཐབས་རིམ་པ
iiif viewer powered by OpenSeadragon
