| e-texts navigator |
| Wylie |
32a1 རྒྱུན་གྱི་ཏིང་འཛིན་གཅེས།། དུས་མཚམས་སྒྲོལ་བའི་གཏོར་མ་གཏང་།། སྦྱིན་གཏོང་བསྒྲུབས་ཚར་བསྔོ་བ་བྱ།། ཕྱོགས་བཅུ་དུས་བཞིའི་རྒྱལ་བ་རྣམས།། ཡོངས་རྫོགས་གསང་བའི་བསྒྲུབ་ཆེན
32a2 གྱི།། མདོ་དོན་མཚོན་པ་དེ་ལྟར་ཡིན།། ཉིད་ལས་མི་གཞན་རྗེས་འཇུག་གིས།། དེ་ལ་སྤྲོ་བསྡུ་ཅི་རིགས་པ།། དུས་དང་བློ་སྦྱོང་ཆོ་གའི་ཁྲིགས།། དྲང་བའི་དོན་དུ་འཕྲུལ་ཤེས་བྱ།། མཐར་ཐུག་ཡང་དག་ས་ལ
32a3 སྦྱོར།། ཕུན་ཚོགས་གསང་བའི་བསྒྲུབ་ཆེན་འདི།། སྐུ་གསུམ་ཡོངས་རྫོགས་ས་ལ་སྦྱོར།། ཞེས་བཀའ་སྩལ་ཏོ།། དཔལ་གསང་བ་འདུས་པའི་རྒྱུད་ཀྱི་རྒྱལ་པོ་ལས། ཞི་ཁྲོ་ཡོངས་རྫོགས་གསང་བ་བསྒྲུབ་ཆེན་གྱི་ལེའུ
32a4 སྟེ་དགུ་པའོ།། །། དེ་ནས་འདུས་པའི་འཁོར་རྣམས་ཀྱིས།། ཀུན་འདུས་སྟོན་པ་ཧེ་རུ་ཀར།། རྒྱུད་དོན་བསྐྱེད་རྫོགས་རབ་བསྡུས་དག། བདག་ཅག་འཁོར་ལ་བཀའ་སྩོལ་ཅིག། དེ་སྐད་གསོལ་པའི་དོན
32a5 དགོངས་ནས།། སྟོན་པ་ཉིད་ཀྱིས་བཀའ་སྩལ་པ། ཀྱེ་འདུས་པའི་འཁོར་རྣམས་རྩེ་གཅིག་ཉོན།། རྒྱུད་དོན་བསྐྱེད་རྫོགས་ཡང་འདྲིལ་བཤད།། ཞི་ཁྲོ་བདེ་གཤེགས་ཡོངས་རྫོགས་ཀུན།། སྐུ་གསུང་ཐུགས་ཀྱི་བསྒྲུབ
32a6 པར་འདུས།། སྔོན་འགྲོ་རྫོགས་པའི་རྣལ་འབྱོར་པས།། རྡོ་རྗེ་སེམས་དཔའ་ཞི་དང་ཁྲོ།། ཡབ་ཡུམ་རྐྱང་སྦག་གང་བདེ་བའི།། བསྐྱེད་རྫོགས་ཟུང་འཇུག་གསལ་བསྒོམས་ཏེ།། ཨོཾ་ཨཱཿཧཱུཾ། སྐུ་གསུང་ཐུགས་ལྡན་ཡོངས
iiif viewer powered by OpenSeadragon
