| e-texts navigator |
| Wylie |
327a1 སྔགས་ནས་ཁྱིམ་དུ་བཞག་ན། བྱི་བས་ཁྱིམ་དང་ཞིང་དང་ལྡུམ་རར་ཟ་མི་ནུས་སོ།། མུ་ཏིག་ལ་སྔགས་བཟླས་ནས་བུད་མེད་ལ་བྱིན་ན་བུ་ཡོང་བར་འགྱུར་རོ།། སྨག་ཤད་ལ་སྔགས་བཏབ་ནས་དབང
327a2 ཕྱུག་ཆེན་པོ་ལ་མཆོད་ནས།། ཕྱུགས་འགབ་ཉུངས་པ་ལ་གཏད་ན་ཕྱུགས་འཕེལ་བར་འགྱུར་རོ།། རྨ་བྱའི་རྒྱལ་མཚན་ལ་བསྔགས་ནས། རྟག་ཏུ་ལུས་ལ་བཅངས་ན་དེ་མཛེ་འཚོ་བར་འགྱུར་རོ།། སྦྱོར་བའི་རིམ་པ
327a3 བསྡུས་པར་གསུངས་སོ།། དཔལ་གཤིན་རྗེ་ཟླ་གསང་ནག་པོ་རྩ་བའི་རྒྱུད་ལས། འཇིག་རྟེན་ཁམས་སུ་ཐོག་དབབ་པའི་ཟླ་གསང་ལྷ་གསང་བར་བསྒྲུབ་པའི་ལེའུ་སྟེ་རེ་བཞི་པའོ།། ། དེ་ནས་བཅོམ་ལྡན
327a4 འདས་གཤིན་རྗེའི་གཤེད་པོས་ཐུགས་རིན་ཆེན་གའུ་ནས་འདི་གསུངས་སོ།། བསྟན་པ་གཉེན་པོ་བསྲུང་བ་དང་།། འགལ་བྱེད་ཆམ་ལ་དབབ་པའི་ཕྱིར།། ནད་བདག་མ་མོའི་ཟླ་གསང་གསུངས།། དུར་ཁྲོད་ལ་སོགས
327a5 དགོན་པའི་གནས་ཉིད་དུ།། ས་བདག་མཉེས་བྱ་མ་ཉེས་དབང་ཡང་གཟུག། ཕུང་བའི་ཤུལ་ནས་ས་བླང་དཀྱིལ་འཁོར་བརྩིག། མངལ་ཁྲག་ལ་སོགས་ཆག་ཆག་གདབ།། དུག་གིས་རྩལ་བསྐྱེད་སྨན་གྱི་དྲི་ཡང
327a6 བྱུག། དབུས་སུ་གྲུ་གསུམ་བརྩེགས་མ་གཏིང་དུ་བྲུ།། ཟླ་གམ་དམར་པོ་འཁོར་ལོ་རྩིབས་བཞི་ལྡན།། མུ་ཁྱུད་ཟླུམ་པོ་ཐོད་པའི་ཕྲེང་བས་བསྐོར།། གྲུ་ཆད་པར་ཁྱམས་སྒོ་བཞིའི་རིགས་དང་སྦྱར།། གྲུ་གསུམ་རྩེ་དྲུག
iiif viewer powered by OpenSeadragon
