| e-texts navigator |
| Wylie |
326a1 ཅིག། ཙག་ཙག་དྲིལ་ཧྲིལ་ཕོབ་ཡ།། དེ་ནི་ཟངས་དབབ་པའོ།། དེ་བཞིན་ཐོད་པ་ཁ་སྦྱར་ཏེ།། དམིགས་པའི་ཡུལ་གྱི་དབུས་སུ་སྦ།། ལྕགས་ཕུར་མཁར་གྱི་རྨང་དུ་སྦ།། ཟངས་ཕུར་ཡུལ་ལྷའི་རྟེན་སར
326a2 སྦ། དངུལ་ཕུར་རྟ་ཡི་བྲེས་སུ་སྦ།། དེ་བཞིན་བྱས་ནས་ཕབ་གྱུར་ན།། སྦས་པའི་རྟེན་སར་དུས་སུ་འབེབས།། དེ་ལ་ཐེ་ཚོམ་བག་མི་བྱ། ཞེས་གསུངས་སོ།། དཔལ་གཤིན་རྗེ་ཟླ་གསང་ནག་པོ་རྩ་བའི་རྒྱུད་ལས། ཐོག
326a3 དབབ་པ་ལྷའི་ཟླ་གསང་ནང་དུ་བསྒྲུབ་པའི་ལེའུ་སྟེ་རེ་གསུམ་པའོ།། །། དེ་ནས་ཡང་བཅོམ་ལྡན་འདས་གཤིན་རྗེའི་གཤེད་པོས་འདི་སྐད་ཅེས་གསུངས་སོ།། བསྟན་པ་གཉེན་པོ་བསྲུང་བའི་ཕྱིར།། ཐོག
326a4 དབབ་ལྷ་ཡི་གསང་བསྒྲུབ་གསུངས།། རྨ་བྱ་དག་གི་རྒྱལ་མཚན་ལ།། དམིགས་པའི་མིང་རུས་འོག་ཏུ་བཅུག། སྨྱུག་རྒོད་རྩང་ནི་བཞི་གཤེགས་ལ།། ལིངྒ་དག་གི་སྐེ་རུ་གདབ།། ཕྱིང་དཀར་གཙང་མ་གྲུ་བཞི
326a5 གཅིག། སྟེགས་བུའི་སྟེང་དུ་བཏིང་ནས་ཀྱང་།། ནས་སྔོན་ཕུལ་གང་ཤར་དུ་སྤུངས།། དཀྱིལ་དུ་རྒྱལ་མཚན་གཟུག་པར་བྱ།། ཉིན་མོ་སྔགས་བཟླས་ནས་ཀྱིས་བྲབ།། ནུབ་མོ་སྔགས་བཟླས་ཏིལ་གྱིས་བྲབ།། སྔགས
326a6 གས་རི་གསུམ་རྩེར་སོང་ལ།། ཨེ་བརྐོས་མིང་རུས་ནང་དུ་གཞུག། རྩང་དང་མཉམ་པའི་ཁུང་བརྐོས་ལ།། དགྲ་ལ་རྩེ་བསྟན་རེ་མས་གཞུག། དབང་ཕྱུག་ཆེ་ལ་ལས་བཅོལ་ལོ།། འོ་དོད་བོས་ཤིང་བསད་ཅིང
iiif viewer powered by OpenSeadragon
