| e-texts navigator |
| Wylie |
319b1 དུར་ཁྲོད་ལ་སོགས་དགོན་པའི་གནས་དག་ཏུ།། རྣལ་འབྱོར་གོམས་པས་ཡོ་བྱད་ལྡན་བྱས་ཏེ། འཕགས་པ་ལ་སོགས་མཆོད་ཅིང་གཏོར་མ་གཏང་།། གྲས་ཕྱིང་གཙང་མ་མདའ་གང་གྲུ་བཞི་ལ།། མཚལ་ལམ་ལྡོང
319b2 རོས་དག་གིས་ཐིག་གདབ་སྟེ།། ལེའུ་ཚེ་དགུ་པ་དག་གི་ཚད་དུ་བྱ།། དབུས་སུ་ག་པུར་དག་གི་ཆུ་བླུགས་ཏེ།། དར་རམ་རས་སམ་དཀར་འཇམ་ལ།། ལྷ་ཆེན་དབང་ཕྱུག་དག་གི་གཟུགས་བྲིས་ཏེ།། སྨྱུག་མ་གཙང་མ
319b3 དག་ལ་དགོད་པར་བྱ།། སྟེང་ནས་ལེ་བརྒན་དག་གི་གདུགས་ཀྱིས་དགབ། དེ་ཡི་མཚམས་བཞིར་ལྗང་གུའི་འཕན་བཞི་གཟུག། ཕྱོགས་བཞིའི་ལེའུ་ཚེ་བཞི་པོ་དག་ལ་ཡང་།། ལྷ་ཡི་བློན་མོ་བཞི་ཡི་གཟུགས་བྲིས
319b4 དགོད།། ཤར་དུ་དྲི་ཟའི་ལྷ་ཉིད་དགོད་པར་བྱ།། ལྷོ་རུ་གཤིན་རྗེ་ནུབ་ཏུ་ཀླུ།། བྱང་དུ་གནོད་སྦྱིན་ལྷ་སྟེ་བཞི་ཡང་དགོད།། དེ་ཡི་ཕྱི་རིམ་མེ་ཏོག་སྣ་ཚོགས་བསྐོར།། མཆོད་པ་ལྔ་དང་གཏོར་མ་གཅིག། ནང་དུ་རྟ་ཚིལ
319b5 ཁྲག་དང་སྙིང་ཡང་བསྩལ།། སྙིང་གི་སྲོག་རྩར་དམིགས་པའི་མིང་རུས་བྲི།། ཁྲེ་ཕྱེ་དག་ལ་དགྲ་གཟུགས་བྱ།། སྙིང་གར་ཐིག་ལེ་དཀྱིལ་དུ་མིང་རུས་གཟུགས།། སྐེ་ནས་སྔོ་དམར་སྐུད་པས་གདགས་པར་བྱ།། ལག་པ
319b6 གཡས་ཀྱི་སྲིན་ལག་རྩ་ལ་འགེལ།། ཆོས་གོས་ལྗང་ནག་གོན་ལ་ཐོད་ནག་བཅིངས།། དུར་ཁྲོད་རས་སམ་བྲམ་ཟེའི་པགས་པ་ལ།། ལྡོང་རོས་ཆུ་རྩས་ཁ་དོག་སེར་པོར་སྒྱུར།། དུག་དང་ཁྲག་གིས་འཁོར་ལོ་རྩིབས
iiif viewer powered by OpenSeadragon
