| e-texts navigator |
| Wylie |
319a1 ཡང་ན་རྫས་དེ་རྣམས་ལ་རིལ་བུ་བྱས་ལ། དེ་ལྟར་དགྲ་བོའི་ཁང་ཐོག་ཏུ་བསྒྱུར་ན་ཁང་པ་འཇིག་པར་འགྱུར་རོ།། ཡང་དེ་རྣམས་ལ་བརྗོད་ནས་ཆུ་མིག་ཁ་བྱང་དུ་བལྟ་བར་སྦས་ན། གོང་ལྟར་དྲངས
319a2 པར་ཤ་ཟ་ཟེར་འོང་ངོ་།། སྲིན་རྡོའི་ཁར་བ་ཆགས་པ་ལ་བཟླས་ནས་ཁྱབ་འཇུག་རྒྱུ་བའི་དུས་སུ་ཁ་བྱང་དུ་བལྟས་པར་སྦས་ན་ཐོག་དྲག་པོ་འབེབས་པར་འགྱུར་རོ།། འབྲུ་སྣ་ཚོགས་དང་། འབྲུག་གི་རུས་པ་དང་། ཆུ
319a3 སྲིན་གྱི་སྡེར་མོ་ལ་བཟླས་ཏེ་འོག་ཏུ་སྦས་ནས་ཕྱོགས་བཅུ་རུ་གཏོར་ན་སེར་བ་ཁྲག་ཏུ་འབབ་པར་འགྱུར་རོ།། ཀ་ན་ཀ་སོ་དང་ཁྱི་ནག་པོའི་མཆེ་བ་ལ་སྔགས་ནས་དགྲ་ཕྱོགས་སུ་གཏོར་ན་རྐང་ནད་དུ་འགྱུར་རོ།། དེ
319a4 ལ་སོགས་ཏེ་ལས་ཐམས་ཅད་འགྲུབ་པར་འགྱུར།། སེར་བ་བཟློག་པ་དང་ཤྲ་བཟློག་པ་ཡང་དེ་དང་འདྲ་སྟེ། ཉུང་དཀར་ལ་བཟླས་ཏེ་གཏོར་ན་བཟློག་པར་འགྱུར་རོ།། མ་ག་ལ་ཡ་ཏི་ལ་བརྗོད་ནས་གཏོར་ན་བཟློག
319a5 པར་འགྱུར་རོ།། དཔལ་གཤིན་རྗེ་ཟླ་གསང་ནག་པོ་རྩ་བའི་རྒྱུད་ལས།། ཆུ་འཁྲུགས་ཁྲག་ཏུ་དབབ་པ་གཟའི་ཟླ་གསང་གི་ལེའུ་སྟེ་རེ་གཅིག་པའོ།། །། དེ་ནས་ཡང་བཅོམ་ལྡན་འདས་འཇིགས་བྱེད་ཆེན་པོ
319a6 གཤིན་རྗེའི་གཤེད་པོས།། འཇིག་རྟེན་ཁམས་སུ་ཐོག་དབབ་པའི་ཕྱིར་ལྷ་ཆེན་དབང་ཕྱུག་ཆེན་པོ་ཕྱི་ལྟར་བསྒྲུབ་པ་འདི་གསུངས་སོ།། ལྷོར་ལྟ་བྲག་ཆེན་པོ་སེང་གེ་མཆོངས་པ་འདྲ། ཡང་ན་དམར་མེ་འདྲ་བའམ།
iiif viewer powered by OpenSeadragon
