| e-texts navigator |
| Wylie |
317a1 འདས་འཇིགས་བྱེད་ཆེན་པོས་འདི་སྐད་ཅེས་གསུངས་སོ།། འགལ་བ་ཆམ་ལ་དབབ་པའི་ཕྱིར།། ཁྱབ་འཇུག་གཟའ་ཡི་གསང་བསྒྲུབ་གསུངས།། སྒྲ་གཅན་ཆེན་པོ་ཉི་ཟླའི་གཉེན།། དྲག་པོ་ཆེན་པོ་ར་ཧུ
317a2 ལ།། ཁྲག་ཏུ་དབབ་པའི་ལས་འདི་ཡིན།། དུར་ཁྲོད་ལ་སོགས་གནས་དག་ཏུ།། མཎྜལ་ཆག་ཆག་ཐིག་གདབ་བྲི།། དབུས་སུ་གྲུ་གསུམ་བརྩེགས་མ་ལ།། མུ་ཁྱུད་ཟླུམ་པོ་ཐོད་ཕྲེང་བཏང་།། སྒོ་བཞི་རིགས་དང་མཐུན
317a3 པར་བྲི།། སྦྲུལ་སྔོ་དག་གི་ཤུན་པ་ལ།། རྫས་ཀྱི་ཕུད་བླུག་མིང་རུས་གཞུག། འཁྱིལ་པའི་ཚུལ་དུ་ག་འུར་གཞུག། གྲུ་གསུམ་དབུས་སུ་བཞག་ལ་བསྒྲུབ།། དཀར་ཐབ་དམར་ཟབ་སྔོ་ཐབ་གསུམ།། གྲུ་གསུམ་རྒྱབ་མ
317a4 དག་ལ་བཞག། ཤ་རུས་ཁྲག་རུལ་བཙོས་དང་རྗེན།། ར་མཆིན་གྲུབ་སྨན་གུ་གུལ་བཞག། ལ་ཕུག་ཏིལ་སྒོག་ཕ་ལྟར་སྨོས།། སྣརེལ་གྲིའི་ཐོད་པར་བླུགས་ལ་བཞག། དཀར་གསུམ་མངར་གསུམ་ཀླུ་སྨན་དང་།། གུ
317a5 གུལ་ནག་པོ་འབྲས་ཆེན་རྣམས།། མ་ལྟར་སྨོས་པས་འཁར་གཞོང་བླུག། མཐུན་རྫས་བསྡུས་ལ་ཐོད་པར་བསག། ཙ་ར་རོག་པོའི་རཱ་ལ་ནི།། སྔགས་བྲིས་ཀེ་རུ་མིང་བྱང་བྲིས།། ལྷ་སྲིན་སྡེ་བརྒྱད་མཆོད་རྫས
317a6 དགྲམ།། ཐུན་རྫས་ཐོད་འཕྲེང་སྟེང་དུ་བཞག། རང་ཉིད་གཤིན་རྗེའི་གཤེད་པོ་རྗེ།། ཡི་དམ་བཅས་པ་རྫོགས་པ་དང་།། སྲོག་སྙིང་འདི་ནི་ནུས་ཐང་བརྗོད།། ཨོཾ་ཨ་བི་ཤ་ལ་དུ་རུ་མ་ཤི་ཁ་ཛ་ལ་ཨ་ཏ་སྭཱ་ཧ། སྟོང
iiif viewer powered by OpenSeadragon
