| e-texts navigator |
| Wylie |
315a1 རིངས་ཆེན་པོ་སྟེ།། འཇིག་རྟེན་ཁམས་ན་མཐུ་བོ་ཆེ།། འཇིག་རྟེན་གཡོ་འགུལ་བྱེད་པའི་བདག། ལྷོ་ཡི་ཕྱོགས་ནས་བསྐྱོད་པའི་ཚེ།། ཁྱབ་འཇུག་ཆེན་པོ་བྱ་བ་སྟེ།། དུས་ཚོད་ཚེས་གྲངས་ཀུན་ཏུ
315a2 རྒྱུག། སྤྲུལ་པའི་སྐུ་ནི་ཀི་ཀང་འབེབས།། ཤར་གྱི་ཕྱོགས་ནས་བསྐྱོད་པའི་ཚེ།། དམུ་བདུད་ཆེན་པོ་ཧ་ལི་ཀ། བིཥྞུ་རཱ་ཙའི་ཀི་ཀང་བརྒྱད།། དམུ་ཡི་ཀི་ཀང་འབེབས་པར་བྱེད།། བྱང་གི་ཕྱོགས་ནས་བསྐྱོད་པའི
315a3 ཚེ།། བདུད་པོ་རོག་ཏི་འབར་བའི་གཟུགས།། བདུད་ཀྱི་ཀི་ཀང་འབར་བ་འབེབས།། ཀི་ཀང་འབར་བ་ར་ཙ་ཀ། ནུབ་ཀྱི་ཕྱོགས་ནས་བསྐྱོད་ཙམ་ན།། སྲིད་པའི་མ་མོ་རྣམས་དང་རོལ།། མ་མོའི་ཀི་ཀང་ཀུན་གྱི
315a4 བདག། ལྗང་སྔོན་ཆེན་པོ་ཀི་ཀང་འབེབས།། ལྷོ་ནུབ་མཚམས་ནས་བསྐྱོད་ཙམ་ན།། རོག་ཏི་བྱ་རོག་མགོ་བརྩེགས་ཏེ།། བསྐལ་ཆེན་འབར་བའི་འོད་ཆེན་པོ།། སྔུན་དུ་ཞུམ་མེད་སུ་ཕྲད་ཟ།། ཁྱོད་ནི་ཁྲོ་ཆེན་སྤྲུལ་པ
315a5 སྟེ།། ལྷོ་ནུབ་མཚམས་ནས་སྐུ་བསྐྱོད་ནས།། ལྷ་སྲིན་སྡེ་བརྒྱད་དམག་དཔོན་བྱེད།། ནུབ་ནས་ཤར་དུ་བསྐྱོད་ཙམ་ན།། སྲིད་པའི་མ་མོའི་དམག་དཔོན་བྱེད།། ནད་ངན་ཀི་ཀང་དབབ་པའི་དུས་ལ་བབ།། ཤར་ལྷོ
315a6 མཚམས་ནས་བསྐྱོད་ཙམ་ན།། བདུད་དམག་ཀུན་གྱི་དམག་དཔོན་བྱེད།། བདུད་དམག་ཀི་ཀང་ཧུར་ཐུམ་འབེབས།། བདུད་ཀྱི་ཀི་ཀང་དགྲ་ལ་ཡ།། བྱང་ཤར་མཚམས་ནས་བསྐྱོད་ཙམ་ན།། སྲིན་པོ་འབུམ་གྱི་དམག
iiif viewer powered by OpenSeadragon
