| e-texts navigator |
| Wylie |
311b1 སྟོང་དུ་བཟླས་ན། དེ་སྨྱོ་བར་འགྱུར་རོ།། ད་རུའི་ལོ་མ་དང་། ཤ་སྣ་བ་པེ་དང་། ཀང་ཀ་རི་ལ་བཟླས་ནས་བྱིན་ན་མཛེར་འགྱུར་རོ།། བེའུ་བེ་དང་ཀར་སྣ་ལ་བཟླས་ནས་བྱིན་ན།། སྐྲངས་འབུར་གྱི་ནད་ཀྱིས་འཆི་བར
311b2 འགྱུར།། ཛ་ཡི་འབྲས་ལ་བཟླས་ནས་ཕྱོགས་སུ་གཏོར་ན་སྦྲུལ་ཆེན་པོ་ཁང་པའི་ནང་དུ་འོང་བར་འགྱུར་རོ།། རྡོ་སོལ་ལ་བཟླས་ནས་བནྡྷའི་ནང་དུ་ཆང་དང་སྦྱར་ནས་རྩཝ་གསེབ་བམ།། ཤིང་གསེབ་དུ་སྦས་ན་ཡུལ
311b3 འཚིག་པར་འགྱུར་རོ།། རྡོ་སོལ་ལ་བཟླས་ཏེ་ཆང་དང་སྦྱར་ལ་བཞག་ནས་བྱིན་ན་མི་རེངས་ཀྱི་འགྲོ་བར་འགྱུར་རོ།། རྡོ་སོལ་ཞོ་དང་བཙན་དུག་སྦྱར་མས་བཏབ་ནས། དགྲའི་ལུས་སམ་ཤ་ལ་རེག་གམ་གོས་ལ
311b4 བསྐུས་ན་ལྷོག་པ་དཀར་པོས་འཆི་བར་འགྱུར་རོ།། དཔལ་གཤིན་རྗེ་ཟླ་གསང་ནག་པོ་རྩ་བའི་རྒྱུད་ལས། འཇིག་རྟེན་གྱི་ཁམས་མེས་བསྲེག་པ་བཙན་གྱི་ཟླ་གསང་གི་ལེའུ་སྟེ་ང་བརྒྱད་པའོ།། ། དེ་ནས
311b5 ཡང་བཅོམ་ལྡན་འདས་གཤིན་རྗེའི་གཤེད་པོས། ཆུ་འཁྱགས་དྲག་ཏུ་དབབ་པ་ཁྱབ་འཇུག་གཟའི་ཟླ་གསང་འདི་གསུངས་སོ།། གཟའ་ཕྱི་ལྟར་བསྒྲུབ་པའི་ཐབས་བཤད་པ།། ཐོག་མར་དད་པ་རབ་ཏུ་བསྐྱེད།། རི
311b6 གསུམ་རྩེའམ་དུར་ཁྲོད་དུ།། དབང་ཐོབ་བྱ་ཕྱིར་བླ་མ་མཉེས་པར་བྱ།། དཀྱིལ་འཁོར་བྲིས་ནས་དམ་ཚིག་དབང་དག་ནོད།། དགོས་པ་བསྒྲུབ་ཕྱིར་མན་ངག་ཐོབ་པར་བྱ།། མན་ངག་ཐོབ་ནས་བསྙེན་བསྒྲུབ་མཐའ་རུ
iiif viewer powered by OpenSeadragon
