| e-texts navigator |
| Wylie |
308b1 ཕོཔོ་རྣམས་མིང་རུས་གཞུག། གཡོན་དུ་མོ་རྣམས་མིང་རུས་གཞུག། སྔོ་དམར་སྐུད་པས་གོང་རྨེད་བྱ།། རྭ་ལ་དར་ལྕེ་མཐིང་ནག་གདགས།། མིག་གཉིས་ནང་དུ་རིན་ཆེན་བརྡར།། དར་དཀར་ཡུག་གིས་མིག་གཉིས
308b2 གདབ།། དཀྱིལ་འཁོར་བྱང་ཤར་གྲ་རུ་གཟུག། དུར་ཁྲོད་རས་ལ་འཁོར་ལོ་བཅའ།། ཐོད་པར་དུག་ཁྲག་བསྲེས་ཏེ་དགང་།། གོས་ནག་གོན་ལ་ཐོད་ནག་བཅིངས།། བདུད་ཀྱི་གཡབ་དར་ལག་ཏུ་ཐོགས།། གཏུམ་ཆེན
308b3 བསྟོད་ལ་བདུད་རྣམས་རྦད།། དྲག་སྔགས་འདི་བཟླས་མངོན་དུ་གྱུར།། ཧཱུཾ་ཕཊ་བ་ཧཱུཾ་ལ་མ་ས་ཤ་སྟ་ཧ་སྟ་བ་བ་བེ་ར་པ་མ་ཤ་ས་ར་ཡ་ཧཱུཾ། མ་ཧེ་མང་ག་ལ་ཡ་ཧཱུཾ་ཕཊ། སུམ་འབུམ་བཟླས་ན་གང་ཡང་འགྲུབ།། དེ
308b4 བཞིན་འགྲུབ་ན་མངོན་དུ་འགྱུར།། ཡང་ན་སྦྱོར་བ་རྫོགས་པར་བྱ།། སངས་རྒྱས་བསྟན་པ་འཇིག་ནའོ།། ཞེས་གསུངས་སོ།། དཔལ་གཤིན་རྗེ་ཟླ་གསང་ནག་པོ་རྩ་བའི་རྒྱུད་ལས། བདུད་ཀྱི་ཟླ་གསང་གསང་བར
308b5 བསྟན་པའི་ལེའུ་སྟེ་ང་ལྔ་པའོ།། །། དེ་ནས་ཡང་བཅོམ་ལྡན་འདས་འཇམ་དཔལ་འཇིགས་བྱེད་ཆེན་པོས་འཇིག་རྟེན་གྱི་ཁམས་མེས་བསྲེག་པའི་བཙན་ཕྱི་ལྟར་བསྒྲུབ་པ་འདི་གསུངས་སོ།། བྲག་དམར
308b6 རྩའམ་དུར་ཁྲོད་དུ།། ས་བདག་ཞི་བྱ་ཀླུ་གཏོར་གཏང་།། དཀྱིལ་འཁོར་གྲུ་བཞི་འདོམ་གང་ལ།། ར་དམར་ཁྲག་གིས་ཆག་ཆག་གདབ།། དབུས་ཀྱི་ལྟེ་བ་དམར་པོ་ལ།། ཟླ་གམ་དམར་པོ་བརྒྱད་ཀྱིས་བསྐོར།། ལྕགས
iiif viewer powered by OpenSeadragon
